رد: ((ديوان الشاعر:مـعـيـض بن عـريـفـج))
ياهيه منت اول ردي يجحد الطيب = ياكثر اللي سنعتهم وجحدوني
ان جاحديهم حاديته اللواهيب = وجور الزمن كثرعليه والغبوني
حده زمانه لين شاف التعاجيب = وضاقت به الدنيا بكل الركوني
ثم قال انا لك والا انا اصير للذيب = اقول لي والا الذياب يهبوني
انت استرح يحلها عالم الغيب = بس انت هونها تراها تهوني
واقف معه واطعن بشلفا تريحيب = واشيل عنه الحمل فوق المتوني
واورده عدن عذي المشاريب = وهو ماقدر يقرب حدوده بدوني
ويوم اغتنا اقفا ونسي المواجيب = وهذاك وجه الضيف لاتنشدوني
فصيلة(ن)ماعاديثمربهاالطيب = لكن يعوضنا الكريم المنوني
ماني مدور من وراهم مكاسيب = ولاهو على شان انهم يمدحوني
هاذي مبادينا قبل يخلق كليب = مبدى عرب والعارفه يعرفوني
نخشاء القصوراليا لفونا المناجيب = بغض النظر عن منهم اللي لفوني
وان كان صرنا ضيوف سترالمعازيب = نحشم ومعازيبنا يحشموني
ماعاد نطري بالمعزب عذاريب = لونومنا على لحوم البطوني
وياهيه منت اول ردي يجحد الطيب = ياكثر اللي سنعتهم وجحدوني
ا ن جيت بالمعروف تلقا التراحيب = وان رحت بالله قلنا من تكوني
__________________
I thank those who work for me this signature Is not necessary to know who I am
|