[فرحان بن مساعد بن نومس]

قال هذه القصيده الشاعر سعود ابن ضفيدع الجعفري

بحفل الشيخ مساعد ابن نومس بمناسبة زواج اخي

والتي لم يلقيها اثنا الحفل بسبب وعكه صحيه وهناك العديد من القصائد بهذه المناسبه سوف نوردها ان شاء الله اتمنى ان تنال اعجابكم

[poem=font="simplified arabic,7,white,normal,normal" bkcolor="transparent" bkimage="backgrounds/28.gif" border="none,4,gray" type=0 line=0 align=center use=ex num="0,black""]
سميت بعازل ليلها عن ضحاها=علام في سر الامور الخفيه

الي حفظ في داخل العين ماها=نرجيه في يوماً يشيل طميه

ام الضنا تمشي وتترك ضناها=عريا ضمايا والمواطي حفيه

خذ الحذر يامن بغيه تباها=ترى ليال العمر ماهي مديه

بعد بديت بيوت زينن لغاها=هديةًلاهل الوجيه الرضيه

سعود يامساعد بوده بداها=بالعود والريحان وازكى تحيه

يسوقها شوق القلوب وصفاها=لاعيال عايد كلبوهم سويه

ياشيخ نومس باللوازم ذراها= ان ركبت سرد السنين السنيه

نوامسه بالطيب تقهر اعداها=اعيال عايد بالنسب جعفريه

عيال محمد واضح الي وراها=وكثر الحكي اشوف ماله دعيه

سلام ياربعن يشرف لقاها=يامن بها كثر الوفاء والحميه

الي بدرب الطيب تمشي اخطاها=دايم بدرب الطيب تمشي جريه

زحول الرجال الي قديماً وفاها=افعالهم بالطيب ماهي خفيه

مبروك ياسطَام الاعادي عماها=عسى لياليكم جميعا هنيه

يامن عن التقصير تحشم الحاها=الي مواقفها اجساماً عليه

نوامسه ماحداًيقرب احماها=صوارماً تارد احياض المنيه

صوارماً ترمي البقعاء عشاها=يوم الرماح ودور بنت العبيه

اعيال عايد عز منهو نصاها=روس الرجال مدلهين الرعيه

اعيال نومس كان ضلم سماها=كم رموا بسيوفهم من دهيه

ترسي ان كان الشهب لجلج عواها=تخضع لهم روس الرجال القويه

حق علي اجيب دعوة نداها =واحط ايدي مع يديهم سويه

مير اسمعو كلمه وصلكم صداها=ماتسمع هرج النفوس الرديه

ربعك ترى ملزوم تدمح خطاها=حتى الهرج يبقى خطوته قويه

ربعك لشان الوقت يذري ذراها=هذي عباتك يابن عمي دفيه

ان صار فيها فتوق فرحو اعداها=يطمع بها الخايب ومنهو حليه

الناس هذي وشو الي دهاها=الكل منهم قام ينهش خويه

جينا وفاء لاهل الوفاء من وفاها=واختامها بالعود والشاذليه

صلوا على خير النبيين طاها=مواقفه بالحق بيضاء جليه[/poem]