رد: أشرايك تكتب بيت شعر ايعبر عن حالتك النفسيه !!!!!!
حادي الصمت ما عندي لصمتي بديل
وانت ليله تغافلهـا الجفـا مـا درت
وين اودّيك يا هـمّ ٍ بقلبـي ثقيـل ..؟
جعل تسري بك الليله ليامـن سـرت
ايه خايف على دمعة عيونـي تسيـل
ما قدرت اتجاهلها وهي مـا أقـدرت
كانت اصعب على نفسي من المستحيل
لين سالت على شان الغلا وأعبـرت
عزّتي تطلب الفرقا بيوم الرحيـل ..
لو جروحي على طول العمر ما برت
جيت عابر سبيل ورحت عابر سبيـل
والمحبه ربت في داخلـي وأكبـرت
انت ياللي ليا مالت جروحك تميـل ..
الليالي خذت منّـي ومـا قصّـرت !
لا تسولف ترى ليل المفـارق طويـل
كل كلمه على بالـك فبالـي طـرت
شوف عيني وتلقى للمحبـه دليـل ..
مير نفسي لتقليب المواجـع ضـرت
طوّل الصمت وأربكت الشعور الجميل
قلت اببعد مدام ان الجـروح أكثـرت
خل دمعك يسولف للوداع ويسيـل ..
والا انا دمعتي طاحت وهي مـا درت
__________________
|