رد: ديوان الشاعر معيض ابن عريفج
[poem=font=",6,darkred,normal,normal" bkcolor="transparent" bkimage="" border="double,5,green" type=0 line=0 align=center use=ex num="0,black""]
ياللي تعزي خاطري لاتعزيه = اترك عزايه للدموع السكايب
وادري طريق(ن)كل انسان ماشيه = ان طاب له والا على غير طايب
لاكن بصدري عبرة(ن)وابي افضيه = في معزلن عن جملة الناس غايب
مرحوم ياللي كل ماحل طاريه = يفز قلبي وهو تحت النصايب
فزة خريشن تحته الداب واطيه = بين الزروع اللي على الارض سايب
مهما مامضى من وقت ماني باناسيه = والادمي امعرض(ن)للمصايب
يارب صبرني وصبر بنيخيه = يامصبرن ايوب وقت العصايب
يالله تغفرله وضاعف حسانيه = وان تقبله مرضي وراضي وتايب
ازور قبره واتلفت حواليه = والقبر بركونه تصيح الهبايب
مرحوم ياللي يكسب الطيب بيديه = ماهو رياء طبع(ن)من الله وهايب
ريف الضعيف ان جابه الوقت حاديه = ضل وذرى عن حاميات اللهايب
غيث(ن) على الصاحب ويقهر معاديه = بالمال والا بالسيوف العطايب
وصدق وصراحه كلها تنوجد فيه = ونظافة(ن)بالقلب شيءٍ عجايب
وقلبه على فعول الشجاعه يهقويه = يوم الردي دمه من الخوف رايب
وحكمه وعقل وراي والدين راعيه = صغير لاكن انه تقل عقل شايب
وان كان هذا ومثل شرواه مابكيه = ماني ابباكيلي على شخص خايب
والا الردي لومات ماني بناعيه = ولايهز القلب موت الزلايب
موتت سلوقين على الخط واطيه = سواق قلابن محمل جلايب
وهم قلبي كل ماحل طاريه = تضيق بي كل الفجوج الرحايب
وصبي نون العين ماكف صافيه = والقلب من بين المعاليق ذايب [/poem]
__________________
I thank those who work for me this signature Is not necessary to know who I am
التعديل الأخير تم بواسطة معيض بن عريفج ; 11-01-2010 الساعة 11:41 PM
|