يــادار مــاودي عيـــونــي تـراعيــك
مــن عقب حــي عنـك يـادار حــال
يــادار أنـا أدور حبيب سكــن فيــك
مــن عقب فقدانه على الدهر مال
يــادار لـو هليت دمعــن يحــاكيـــك
ينشدك وين الي غدى عقبه الحال
مــاتجــاوبنـي والــرجــاء خـايب فيك
أقـــــول مــاتنفــع كثيــرات الأقــــوال
يــادار أنـا أبكــي غالي لي وغاليــك
مــن دونهــم يــادار حـال أشهب الآل
لــو هلــت العبــرات يـاشوق تبكيــك
مـاعنـدها إلا ذكـــريـــاتــك والأطــلال
ولو صحت بأعلى الصوت ياخل أناديك
يرجع صدى صوتي بجرحي والأهـوال
يـاويل قلــب حب شوفــك ويغليـــك
مــن يـــوم غبت وعنه الأفراح تنزال
يـفـــز لامــن سمـع ذكــــر طــاريــك
مــاغــرتــــه عنـــــك كثيـــــر الأزوال
بـرجيـك فـي قربـك و بعـدك بناجيك
دمعـه عليـك بهجعـة النــاس همال
دمــع جــرى مافيــه زيــف وتشكيك
لـو يهلـــه فــــوق صـم الصفـــا سـال