ياقلب سامحني على كل زلة
أخطيت في حقك كثير وتماديت ....
علمتني دروب الهوى والمذلة
عليك ياقلبي قسيت وتجنيت .....
ياما نصحت وقلت من صد خله
لاشك ماطاوعت يومك تخليت ......
واليوم دمع الحزن عيني تهله
ياليتني طاوعت شورك وصديت .....
ياقلب أنا وياك نار ودله
من حزنها تشرب ونا قد تقهويت .....
اصبر على بلواك والجرح شله
أدري ترى ماجت على ماتمنيت .....
أعاهدك لهجر عنا الحب كله
ونسى سنين ماضية يوم حبيت .....
وان جاء مع الأيام طاريه قله
اني بعيد عنه من يوم أقفيت ....
هاذي بدايتنا وهذا محله
ذكرى وأنا منها تعبت وتعنيت ......
ياقلب اصبر والصبر لاتمله
الصبر مفتاح الفرج لو تأنيت .....
بس أنت سامحني على كل زلة
ولا أنا في حقك أخطيت وأخطيت وأخطيت