[frame="7 80"]
ليله ولاكل الليالي بشـــــــوال
فيها التقيته وعاد عيدي بشوفـه
جاني وراسم للهنا الف مدخــال
وجيته وانا عيني لشوفه شغـــوفه
ادري شلع بخطاه والجرح همــال
وساق القدم والجرح تنزف حــروفه
لبا خطاوي ساقت الفرح بالحـــال
ولبا عيونن بالهموم امحفوفـــــه
الدمع يبحر في عيونك ولاســـال
داريته عن عيني لجل ماتشوفـــه
ادري تون وداخلك الف رجـــال
تون لازارتك لحضه طيوفـــــه
ضميتك لصدري ابشكيلك الحــال
وسمعت ونات الحزن والحســـوفه
وشفت الغلا في عينك بعد ال..رمال
وحضنتني والحزن تجرح ســـيوفه
ياصبر صبر قلب مشتاق مـــيال
ويارب تسمح لي بشوفه ضروفه
لميتني وشتتني يمن وشمـــــــال
ارضيتني وارضيت نفسن عيوفه
شفت بخفوقي عقب قفيت ماهال
شفته كسير ومحترق في طيوفه
يابو ....صال بالقلب ماجــــــال
من الهوى والشوق ترمح سيوفه
ناديت لك يابوي ياعم ياخـــــال
حتى قصيدي ماوفاك بحروفـــه
لبا قدمك الطاهره ياسعد فـــــال
منهو تعزوى واعتزى في كتوفه
لاتاخذه ياوقت مني وتحتـــــــال
وترمي لي اعذار الزمان الكلوفه
قدره بقلبي طفل يفرح ويخـــتال
بين الضلوع وقلب دايم يحوفــه
ياوقت هذا هو حياتي والامـــال
ياوقت علمني متى احضن كفوفه
[/frame]