رد: أشرايك تكتب بيت شعر ايعبر عن حالتك النفسيه !!!!!!
.
ياللي جفيت القلب وش الذي جاك
توك تقول إنه يساوي حياتك
محدٍ على خله يسوي سواياك
الله حسيبك كيف تنكر وصاتك
عشرت عمر وياك ماظن تخفاك
راحت كما طير مع الجو فاتك
ياشين لي اليوم تقلب نواياك
وتخفي غرابيل الزمن في عباتك
قلبي تجرع مر كاسه بيمناك
زادت جروحه ما تهقوا سواتك
بين الرجاء واليأس قلبي تحراك
صابر على مرك ويرجي حلاتك
لو كان بيدي كان قلبي تجافاك
لـكن شـسـوي مـا تـعـود جـفـاتـك
يا صاحبي لا تسمع العاذل إن جاك
إكسر على راس العواذل عصاتك
العاذل أصلا لو شرب من حلا ماك
تـلقـاه يفـكر كـيف يـجـرح شـفـاتـك
لا تحسب إنه لو تغليت أغناك
تـرى الـغـنـات للـه مـاهـي غـنـاتـك
|