[poem=font="simplified arabic,4,black,bold,italic" bkcolor="transparent" bkimage="backgrounds/18.gif" border="inset,4,gray" type=1 line=0 align=center use=ex num="0,black"]
ياظروف الوقت وش ذنب المحاني = تتعب من الهم دام ان به لكاعـــه

يضرب وضرباته اتهـز المبـــــانــي = والخفوق اشتات من بعد اجتماعـــه

يازمــن تكفـــى يكـفـــي مالفــانـــي = اعلم ان الصبرضاق من اتساعــــه

ماطلبت الوقـــت امـــلاك اليمـانــي = ولانــي بطمـــاع او بيه بشـاعـــــه

ادري ان العــز فيني واحتوانــــي = وادري ان الحب في قلبي وداعـه

ودي اتقــدم لكــن دربــي حدانــي = للرجوع إلى الورى في كل ساعه

لونويت ابيعهــــا وش هو ضمانـي = للقــا ودي لكــن اخشـى ضياعـــــه

الحيــاه بداخلــي جمــلة امـانــــــي = وان غدت ماعاد في قلبي مناعــه

يمكن اني انتهي والعمر فانـــــــي = اواعيــش وهمــي يتـزايـد شجاعـــه

او اكون انسان بس انسان ثاني = مايبــــي عمـــره ولايبغـــى متاعـــه

لاكن اني عايش اراوح مكانــــي = والزمن ماهو بمرهي لي ذراعــــه

احتـري مـــدت كريمــن مانسانــي = لاعطى يعطي وانا صاحب قناعــه[/poem]

__________________


ماجد محمد العنزي