[align=center]هذه القصيدة للامير الشاعر بدر بن عبدالمحسن نشرت بجريدة الجزيرة عام 1410هـ لقد وجدتها في مكتبتي مع مجموعة من الاوراق القديمة التي حبيت ان احتفظ بها وهذه القصيدة بسيدي صاحب السمو الملكي الامير سلطان بن عبدالعزيز حفظه الله عندما كان خارج المملكة للعلاج وهذه رائعة الامير بدر عبدالمحسن [/align]
[poem=font="simplified arabic,4,darkblue,bold,normal" bkcolor="transparent" bkimage="" border="double,6,deeppink" type=0 line=0 align=center use=ex num="0,black"]

الليل هود00وأكهف النجم لغياب =قضى الحديث 00وودعونا المسايير
أحد قفل من دون هوجاسه الباب = وأحد غدت جدران بيته تفاكير
ياساكن الهوجاس ممساك ماطاب =راحت مجاهيم 00 وجتنا مغاتير
لاوالله الا ظامنا بعد الأحباب =الشوق ظالم 00 لاتعدى المحاذير
احبابنا الي عقبهم كننا اجناب =لو ماجفتنا الدار 00 دار المناعير
ليت الثلاثاء ماكتب يوم في كتاب =من غبت ياجبر القلوب المكاسير
كل ماذكرته قمت للوصل طلاب =وقلت القطاعه في هل الرحم تقصير
وين انت ياغيث من الجود صباب=يمينك أكرم من سحاب مزابير
وين انت يامعتق من الحاجه ارقاب =أيضا وبك حكمه ولطف وتقدير
قالوا مريض وقلت نشفى الى طاب =قالوا بعيد وقلت حنا المعاثير
والله لوتطوى له بحور وهضاب =ماهوجزا له مير للشوق تصبير
انشهد ان الحب يكتب له اسباب =وما كل قاع فيه تنبت نواوير
ياشيخنا تكفيك لو ضحكة الناب =وشلون وانته ماتحسب المخاسير
حنا مثل غرس سقى دين وآداب=وتاريخ من فعله تعدى الأساطير
وقت الرخا نرجى وفي الحرب ننهاب =ولاجا لزوم الشيخ حنا المذاخير
كبيرنا في السن نحسب له احساب =وكنه مع الي سبق سنه اصغير
انتم عمود العز حنا له اطناب =نرسى ولو هبت هبوب ومعاصير
وأرض الجزيرةمابها ربع واغراب =الأصل واحد والشرف والمقادير
والله فوق الكل والشرع غلاب =وحب الوطن من حب والي التدابير[/poem]