المشاركة الأصلية كتبت بواسطة الأصيل

حرام يااغلى البشـر ماتفعلـه فينـي=انا ترى مااستحـق الهجـر والصـده
اهديتك الحب واسكنتك نظـر عينـي=وفتحت قلبي معك وانبـاح لـك سـده
وخليتك الواحد اللـي فـي شرايينـي=يامر وينهـى علـي ماعمـري ارده
ابيع عمري لاجل ترضى وترضينـي=لااقبلت لي مبتسم وصل الفرح حـده
ساعة اشوفك واحـط يديـك بيدينـي=اغيب عن هالبشـر والهـم مااعـده
كل ٍ يقول الجسـد مافيـه روحينـي=الا انا صرت هـذا القـول مااعتـده
لانك بجسمـي تصبحنـي وتمسينـي=روح ٍ لروحي تطول وتقصـر المـده
واخطيت وابعدت والهوجاس طاوينـي=والدمع من موق عيني سال في خـده
كنت احسب انك مثل مااشريك تشريني=ماتجرح القلـب وانـت مـراده ووده
ياحيف وش صـار تبعـد ماتلاقينـي=وان شفتني بالنظر تنظر لـي بحـده
هذا ومنك الخطا ماصـرت باغينـي=وانا اللي اقول عـذره كيـف مامـده
عز الله ان ماجرا لي منـك كافينـي=لكـن قلبـي يحبـك والغـلا هــده
ارجوك بالله تجـي يمـي وتحيينـي=الحال من عقب طـول البعـد منهـده
هـذا طلـب مـن يحبـك لاتخلينـي=من عقبك ابواب كل النـاس منسـده
سلامه الضوي صح لسانك ....... قصيده رائعه يالوايلي