(( ديوان الشاعر فرحان السلوم ( عاثر الحظ ))

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
مع السلامه=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

مع السلامه انتهى كل ماكان=يلعن ابو حب(ن)يهين الكرامه

حب(ن)يهين الروح ماعاد له شأن=في وسط قلبي بمسحه للعدامه

ماني بخاسر لاحشى اليوم كسبان=مادام راسي فوق ليش الملامه

ياحمود انا والله ماني بندمان=لا مارضيت الذل والا الرخامه

فعل المراجل دايم(ن)فيه هيمان=امشي بدربه زين حافظ نظامه

معروف ابن سلوم في كل الاركان=لا مايهين الراس سبه غرامه





[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
غلطة حب=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

ماني على خبرك تغيرت ذا الحين= يعني على ماقيل انسان ثاني

شفت التسامح والعفو وطابع اللين=ماعاد في قلبي لهم من مكاني

مسحتهم من داخل القلب يازين=ولابي لهم ايه اثر في كياني

وش لي بهم مادام قد خنت الاثنين=فيهم وفيني خنت يالاسمراني

واليوم راجع تنتظر مد الايدين=هاذي بعيده عنك مافيك اماني

وشلون انا اوثق فيك وانتا بوجهين=صعبه اكرر غلطه الحب ثاني

خنت الهوى والحب من شان ثانين=وانا الذي مهديك حب ومعاني

ارخصت حبي لجلهم طول هالسنين=بعت الهوى من شانهم يأناني

واليوم يومنك تبصرت بالعين=وعرفت وين الصح يوم استباني

تبقاني ارجع لا حشى يامسيكين=ماهو انا اللي يرتضي بالمهاني

نفسي عزيزه ايه ماتقبل الشين=والراس دايم فوق ماهو طماني

يوم اتركوك الغير تبقاني اعين=لا والذي سواك ماني وماني

ماني براجعلك وش عاد بك زين=اصبحت فضله حب ولد الفلاني







[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
طعن الاعماق=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


اكتب شعر اكتب قصايد على اوراق=اكتب واقول ان الزمن خان فيني


هذا الزمن ناوي على طعن الاعماق=يطعن وطعناته غدت تكتويني


رف يازمان بحالتي روف برفاق=قلبي غدى بالهم والله دفيني


تعيس حال وزايده فيني اشواق=ودي اشوف اللي بحبه سجيني


ظلمك زماني اشهد انه فلا يطاق=افتح لي ابواب السعد والحنيني


ياعيشة(ن)حلوه لها طعم ذواق=والا دعيت الله يقضي سنيني





[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
طعنة سيوفك=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

لا لا تحاول في رجوع الهوى دام=دامك هدمت الحب باسباب خوفك

يوم(ن)تغلى يوم سابح بالاوهام=اليوم انا بهجرك وانسى حروفك

خلك تذوق ولو ذره من الآم=الآم كنت اذوقها يوم اشوفك

يكفي ألم يكفي من جروح وسهام=قلبي انا ماعاد يهوى طيوفك

لا لا تنادي للهوى راح من عام=لا لا تحاول لا تكثر حلوفك

دامك هدمت اللي بنيناه قدام=خلاص انا قررت اني اعوفك

مابيك انا مادام ضيعت الاحلام=مابيك انا مادام حبي يطوفك

ذقت الألم والآه في حبك اعوام=ذقت العذاب وذقت طعنه سيوفك

بنساك انا واترك عبره للايام=وخلك على ماقيل تصفق كفوفك

عشان تصبح عبره لكل من هام=في حب(ن)اقشر مثل يومي اشوفك

ولو كان بيدي حكم جازيتك اعدام=وخليت كل الناس تشهد حتوفك



[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
حر وف الحب=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


بجمع حروف الحب وافتح لها الباب=لجل اوصف اللي بالغلا مبتليني

الغالي اللي حبه بداخلي ذاب=بشعل حروف الحب للياسميني

اللي هواه بداخل الروح منساب=هو الوحيد اللي سكن وسط عيني

غيره ابد ماشوف في عيني احباب=وحده ملاك القلب ياسامعيني

والله احبه صدق ماني بكذاب=وغلاه ساكن داخل الروح فيني

اعشق هواه ودايم اجيه منصاب=شوفه دواء للجرح لوهو دفيني

(عاثر انا بالحظ )من يومني شاب=واخاف خلي يروح واصبح حزيني




[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
تكفون ياعنزه=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

ماظنتي ينجح خلف ياهل الخير=دام عنزه تصويتها مايساعد

شوفو ابراهيم اش حصله مع الغير=يومه نزل والكل عنه متصاعد

تعلمو من شمر وحرب ومطير=ياحيف ياربعي على هالتباعد

والله فشيله حيل بين الجماهير=اقل نسبه لعنزه بالمقاعد

وين عنزه ياناس قومي طوابير=خلو جميع الناس منكم تراعد

خلف خلف لاينتكس ياهل الخير=تكفون هبو لاحد اليوم قاعد

لازم نصوتله ولاعنه نغير=ماتذكرون انه على ايش واعد؟؟؟!!!!!


[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
الغلا=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

لجل الغلا بكتب من الشعر ديوان=لجل الغلا حرفي تزايد سطوره

اللي نحت اسمه على قلب فرحان=في منتدى الويلان بعلن حضوره

الغالي اللي بالغلا ماخذ(ن)شأن=اللي على قلبي مضوي بنوره

اللي هواه بداخل القلب ماهان=اللي حروف الشعر تعشق بحوره

لامن ذكرته ينتشي الحرف طربان=مالوم حرفي لو تزايد غروره

فيه اتغنى دان يادان يادان=والحرف في ذكره تزايد سروره

يجري بدمي ساكن(ن)وسط شريان=يعني على ماقيل صرت مأسوره

افرح لياشفته ولو كنت بأحزان=شوفه دوى للجرح لوبه خطوره

هيمان انا في حبه اليوم هيمان=وماشوف لا حصه ولا شوف نوره

وحده هو اللي مالك(ن)قلب فرحان=وتعجز جميع الناس تسكن قصوره






[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
مايفيد التغلي =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


ليه الجفا يازين ليه التغلي=انا ترى يازين ماقوى تغليك

ارجوك راعيني بنظره تسلي=قلبي تعذب من جفاك وتخليك

انا هويتك ايه ان ابغاك ياللي=ياللي ملكت الروح في راحه ايديك

لا شفت زولك ذبت يازين كلي=وياكثر انا افرح لاسمعت بطواريك

انت بصراحه انت كلي بكلي=انت بصراحه كل يوم(ن)اغنيك

ياشمس عمري وان تظايقت ظلي=مثل البحر مثلك ومثلي غرق فيك

اليوم اشوفك لا هيه بالتغلي=وطبع الجفا والصد اصبح مماشيك

من قبل احسبك بالهوى فاطننلي=واليوم بان الحق ربي يجازيك

غربلتني ضيعت عمري ومن لي=غربلتني واليوم خاب الرجا فيك

واخر كلامي مايفيد التغلي=خذها نصيحه مايفيدك تغليك





[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
ضايق =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


ضايق ولاني عارف(ن)ليه ضايق=ومدري علام الهم دايم يجيني

الحزن دايم في خفوقي يوايق=والدمع دايم واقف(ن)وسط عيني

بيني وبينه ذا الفرح صار عايق=وان جيت ابي امسكه تقصر يميني

كن الحزن في دنيتي صار لايق=وكن الفرح معدوم كنه نسيني

ماعاد انا والله يارب رايق=طالبك يالمعبود انك تعيني

يالله انا مليت من هم فايق=ارحم بحال اللي كوته السنيني

إما حياه(ن)تزدهر دون عايق=والا دعيت الموت عله يجيني





[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
عبد العزيز القعيشيش =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

جعلك ذخر دايم على العز طايل=والخير جعله دايم(ن)في خطاويك

انت الكرم ياخذ من اسمك دلايل=ومهما وصفت وقلت لا ماأوفيك

ياشيخ (يابو شام)مثلك قلايل=في ذمتي لي الفخر يوم انا اطريك

اسمك تعلى بالكرم والفعايل=فعول طيب ونادر اللي يجاريك

ياصاحبي جاتك حروفي تمايل=ترقص فرح ترقص طرب في تغنيك

صاحب وغالي وابن عمي ونايل=كل الصفات الطيبه تنوجد فيك

مهما وصفت وقلت فيكم قلايل=ياللي على درب المراجل مماشيك

بختم قصيدي يابن الاجواد قايل=اغليك يابو شام اغليك اغليك






[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
مايناسبني غلاك =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


دقت تقول اليوم ودي اشوفك=لوهي دقايق بس بروي ضمايه

ودي بجلسه معك بسمع حروفك=في ذمتي تراك غايه منايه

ارجوك قلي تم واقبل ضيوفك=ارجوك خلك ياحياتي معايه

جيتك انا والشوق نطلب كفوفك=ابقى يدينك هي تعانق يدايه

قاطعتها قلت اسمعي لأشوفك=مالك ورب البيت شي بسمايه

قلبي بأسم الحب والله يعوفك=يعني على ماقيل مانتي غلايه

روحي وشوفي من يناسب طيوفك=والا انا يابنت عندي كفايه

عندي حياه الروح فاقت وصوفك=احبها والحب ساكن حشايه

فيها احترام الذات شي(ن)يطوفك=ماهي بمثلك غاطسه بالخطايه

روحي والا تطرين قربي يحوفك=مادام راسي فوق والعز غايه





[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
زمان المصايب =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

الوقت هذا ماصفى للرجاجيل=ياكود عفن(ن)مايساوي له ريال

شفت المصايب بالزمن والغرابيل=زمن مصايب ماصفى غير لأنذال

زمن يحب النذل بالحيل بالحيل=واللي يعيش بطيب لاشك مانال

مانال من دنياه كود البهاديل=اللي تهد الحيل لوهي على جبال

هذا الزمن للنذل يمشي تساهيل=يالله دخيلك من زمن فيه غربال

من هو معاه ريال كل(ن)له يميل=لو هو عفن معطينه الناس منزال

لامن حضر في مجلس يشوف تهليل=اهلا هلا يامرحبا كيف هالحال

ثم(ن)يسواله من البن والهيل=واحلى الكلام يجيه من كل رجال

مزينه قرشه وهو اصلا خبيل=مرفع(ن)قدره الى عالي العال

كل(ن)تبسم له ولو انه يعيل=والكل يسمع له اذا قال ماقال

لوهو يكذب مايكذب اذا قيل=لوهو يقول الفاء صارت ترى دال

كل(ن)مصدق حكيه اليوم ويشيل=كل(ن)لهرجه شال لو كان دجال

والطيب ليامن حضر جاه تهميل=دامه مفلس من يلقي له البال

يالله دخيلك من زمان الغرابيل=دام الرجال تقاس في كثره المال

من هو معاه ريال شيخ الرجاجيل=واللي مفلس مالقى حوله رجال





[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
فهد القعيشيش =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]



حرفي رفض ياكود يكتب قصيده=بك يابن عمي دون كل الحبايب

حيث الغلا ياخوك داخل وريده=يسري بدمه بالشرايين ذايب

بك يافهد حرفي تفاخر نشيده=ومايوم فيك الظن ياخوك خايب

انت الذي بالطيب عالي رصيده=وانت الذي ياخوك طلت الصعايب

قلبك نظيف ولايجيبه حقيده=وانا اشهد ان اللي يعاديك عايب

فعل الكرم والخير دايم تجيده=وصيتك تعلى فوق فوق السحايب

يالله عسى الايام تصبح سعيده=وتعيش دوم بخير ياغلى القرايب




[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
وجه الخير =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]



الا سبحان من صور جمال(ن)كامل(ن)موجود=على وجه الذي وجهه يجيب الخير من شوفه
على بنت الجمال اللي بها طبع الحلى معقود=على من هي خذت عقلي بدون اسباب معروفه
لفتني في صباح السبت وهو في عادته منكود=الا يسعد صباح السبت والا يسعدلي حروفه
انا من قبل لاشوفه على وجهي يبان رقود=ولكن يوم قد شفته تصحى وجهي بشوفه
قسم بالله لاشفته احس الحيل بي مهدود=الا يلعن ابو جده ذبحني بطعنه سيوفه
دلع ايش الدلع عنده الا سبحانه المعبود=عطاه من الدلع شي(ن)يجن العقل ويطوفه
فقمت وقلتله مرحب هلا باللي لفاني زود=هلا باللي مجنني وعليه الحال ملهوفه
تبسم قبل لايحكي وبانت بالعيون السود=عيون(ن)من عيون الحي خجلانه ومكسوفه
وكلمني وقال ارجوك تخلي وضعنا بركود=اخاف الناس فيني تحس اخاف اكون مكشوفه
عطاها ربي الحشمه ولا فيها ابد منقود=مهي مثل البنات اللي قيمها حيل مجروفه
وربي حبها ابيض شريف(ن)مايبي لشهود=وربي حبها صادق ولايمكني اعوفه
محبتها على قلبي تراها دايم(ن)في زود=ولايمكن ابد انساه مدامي اسكن بجوفه
مدام انه هوى حبي فأنا ماعنه يوم اهود=وربي لأقطع المشوار إليمن امسك كفوفه




[/poem]

رد: (( ديوان الشاعر فرحان السلوم ( عاثر الحظ ))

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
الحزن =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


في يوم كان الحزن معمي عيوني=جالس وغارق بالحزن والتفاكير
لا ماوعيت الا وقدمي زبوني=تسأل غرام اليوم كم هو به يصير
ويوم(ن)خذت هالعلم لدت بهوني=قالت ابي اسألك بشي(ن)بي يحير
قلت امري وش عندكم تسألوني=هاتي سؤالك يالله يكون في خير
قالت غريبه قلت وش تقصدوني=ويش الغرابه قالت الحال بك غير
لي وقت انادي بس ماتسمعوني=قلت اش تقولي قالت الصدق ماغير
قدمك ربع ساعه واكثر يكوني=ماغير انادي بس مامنك تعبير
قلت اش يهمك لو عرفتي سكوني=قالت اذا مافيه مانع بتفسير
قلت الصراحه الحبايب جفوني=من دون ايه ذنب راحو مع الغير
وانا الذي بالحب مهدي عيوني=عطيتهم حب(ن)على غير تقصير
خليتهم بس هم بس يملكوني=إلين صار الحب في دمي يسير
ورغم الغلا هذا بديهم نهوني=راحو وخلوني على حفه البير
هاذي معاناتي وسبه طعوني=عرفتي ليه الحزن في وجهي يثير





[/poem]