منتديات الويلان - جروح الندم تجاري ناصر الفراعنه <<<<قواة عين ههههه

[frame="7 80"]

كل ما فاضت عيوني نجر ابـن حربـان دنّـا
يوم ابن مدعث لنا سنّ الوجـود الحـقّ سنّـا
وا فوادي لو تضنّى يابن مدعـث مـا تضنّـى
اشعل التنباك من خلقتـه مـا شبّـه و كنّـا
وا وجودي وجد منهو عـضّ بابهامـه وحنّّـا
شاف قـدّام الخيـام خشيـف ريـمٍ مرجهنّـا
اطلق اربع عقبها اربع ثم سمع صـوتٍ يونّـا
واتهموه بذبحـة امّـه ليلـة العيـد و تجنّـا
قالوا اخوانه ترى منّـا بمنـك ولا انـت منّـا
لك ثلاث ايام من ذلحين و ارحل مـن وطنّـا
ودّع مريته وتـوْ بنتـه صغيـره مـا تحنّـى
ركْب غوجه و انقلب قبلـه بليـلٍ مـا تونّـى
المطايـا و السبايـا مـن خلافـه عمـدنّـا
كل ما عنّز على قـومٍ وطـنّ الـراس طنّـا
ذابح امّـه لـو زبنّـا عـدّه انّـه مـا زبنّـا
الجمالة مـا تجمّـل فـي ولـد حـرٍّ تدنّـى
وانقلب من عندهم كنّه علـى محمـاس بنّـا
ركْب بابور البحـر و دمـوع عينـه يذرفنّـا
يوم حـلّ الليـل اشرعـة السفينـه دودلنّـا
قام ربّان السفينـه قـال يـا نـاس امتحنّـا
قال شيـخٍ منهـم الا عنـدي الـراي المطنّـا
و طاحت القرعه على اللي ذابح امّه ما تتنّـى
و ادبحوا عنّه وهو في غبّـة المـوج يتثنّـى
عضّ جرجور البحر ساقه و صايح و استجنّـا
وفي ديارٍ من بلاد الهنـد بيـن انـسٍ و جنّـا
ومثل ما قبل امس متهومٍ بذبـح امّـه معنّـى
و في السجون المظلمه خمسة عشر عامٍ قضنّا
لا سمع ورقاً تغنّي جـرّ مسحوبـه و غنّـى
ولا طرته بْيوت قـومٍ فـي الخلايـا يرفعنّـا
وكل ما برقٍ سرى شرقٍ صدوق الغيث شنّـا
عقـب مـدّه جـاه مـن داره نذيـرٍ مرثعنّـا
حرمتك ماتت لها عشر سنـواتٍ قـد مضنّـا
عمّها عزّر بها في وسـط بيتـه مـا تهنّـى
ثم زوّجها لبـو سبعيـن عـامٍ مـا انقصنّـا
يوم سمْع هْروجهم فاضت عيونـه و ازحرنّـا
قال يا ربعي افزعوا لي من سجـونٍ غيضنّـا
قالوا انّا وش لنـا انّـا والله انّـا مـا شحنّـا
وانتحـوا وعيـون قايدهـم جنـوبٍ خايلنّـا
وعقب عامٍ من مجيْ ربعه و سنٍّ عضّ سنّـا
يوم فكّوا قيد رجلـه وانطلـق خاطـرْه منّـا
حثّ ساقه مـا يشـوف الا بنيتـه يـوم قنّـا
ومن ردى حظه نهار اغضنْ عيونه و ارقدنّـا
ومن اثر سم الحنش يونس ضلوعـه يطبخنّـا
يوم هو فكّـر والـى فوقـه نجـومٍ يبرقنّـا
قال يا نجوم السما تكفين روحي صوب اهلنـا
اشهد انّا ما بحلنـا فـي الليالـي اشهـد انّـا
ذاك وجده وجد حالي في وطنّـا مـن عطنّـا

القصيده للشاعر المبدع ناصر الفراعنه

مجاراه سريعه لااعجابي بهالقصيده ولتأثري بالقصه
ياوجودي وجد منهو ضامه الدهروتجنه
وجد مجروح الليالي يلحق الونه بونه
وجد منهو ليلة العيد الفضيل يشوف امه
ميته قدام عينه والسبب يجري بدمــــه
وخانه الدهر وخوانه بالمصيبه اتهمنه
اتوجــد من وجع بالقلب يصحى لااذكرنه
حالتــه ياناس حاله والليالي ضايمنــــه
ضاعت ايامه ولااحدن عن جروحه فتشنه
ولاحدن طبطب على كتفه ولااحدن احضننه
راح يتــــخبط بهالدنيا يدور من يضمـــــــه
ولاحدن يفهم مصابه غير من يبري الاكمه
وكل ماتنزل دموعه مشها بااطراف كمــــه
وصاحت الزفرات من كثر الونين اللي يونه
ومن كثر ماهولت به دنيته صابه مجنــه
كل مايذكر مصابه وموتتة امه ابيدنـــه
ياعسى رب الخلايق يرحم بحال المعنـــــا
ويجبر فؤادن كسير صابته مليون حمــــى
وانكسر من هول مابه وانثنى كنه مسنا
وتوه صغيرن بعمره وهول دنياه اطرحنه

[/frame]