|
كل مهبة مهبه ومعها ريح طيب //دلة الماجوب تقلط قبل فنجالها
كل ماهبة مهبه ومعها ريح طيب
دلة الماجوب تقلط قبل فنجالها ياسحاب الوسم لو كان من شأن الحبيب تنثر الامطار فوق السهل وجبالها البروق اللي تكاشف تصيب ولاتخيب تطرب اللي شافها لو بعد ماجالها والليالي تختلف مابها شكه وريب وياعسى الايام فال السعد من فالها والنجوم اللي تهاوة على وجه المغيب دورة الافلاك تمشي بحسب احوالها حالة الدنيا كذا طبعها ماهو غريب خلقة الدنيا وتفنى على موالها لاتحرى وش تجازي وترجي وش تجيب النفوس مسجله بجلها وعمالها والهقاوي حزة الطيب لو تخطي تصيب ماتنبأ حزة الطيب عن رجالها ساعة الضيقه تبين فعايل كل ذيب والذيابه تمدح الناس طيب افعالها والنوايا الطيبه طاهر من كل عيب لو تغير وقتها ماتغير حالها والظروف تبين الشيب من قبل المشيب ياكثر من مات له حاجتن ماطالها والصحيب اللي نسميه بالشدة صحيب تنزل الاصحاب بالقدر في منزالها مساعد المزعل |
رد: كل مهبة مهبه ومعها ريح طيب //دلة الماجوب تقلط قبل فنجالها
كل ماهبت مهبه ومعها ريح طيب
،،،،،،،،،،،،،،،،، دلة الماجوب تقلط قبل فنجالها كلمات راقية صح لسانك شاعرنا مساعد أبيات في غاية الروعة أشكرك على ذوقك الجميل ،، دمتِ بوِد |
رد: كل مهبة مهبه ومعها ريح طيب //دلة الماجوب تقلط قبل فنجالها
اشكرك على تعليقك وذوقك
تصدق اني استفيد من ذوقك واختيارك انت صاحب ذائقه جميله دايما تختار من القصيده ابيات تنبي عن ذوقك الرفيع |
| الساعة الآن 07:33 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.