منتديات الويلان

منتديات الويلان (http://www.al-welan.com/vb/index.php)
-   ( منتدى دواوين شعراء المنتدى ) (http://www.al-welan.com/vb/forumdisplay.php?f=70)
-   -   ديوان الشاعر : مخلف ختام الضوي العنزي (http://www.al-welan.com/vb/showthread.php?t=15824)

مخلف ختام العنزي 11-22-2008 01:38 AM

ديوان الشاعر : مخلف ختام الضوي العنزي
 
[align=center]حب الوطن[/align]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أرض الرساله والفخـر دار الأجـداد=عطر الكرم والطيب رمـز الشهامـه
حب الوطن في داخل الـروح يـزداد=كل يوم تشرق شمـس يكبـر مقامـه
من عهد أبو تركي صنع عصر الأمجاد=علـق لـه التاريـخ أغلـى وسامـه
من بعد ماكانـت جماعـات وأفـراد=وحـد صفـوف بحكمتـه والتـزامـه
ومن بعد ماكانت تحارب على الـزاد=فيها ضعيـف القـوم يبغـا السلامـه
ثبـت شريعـة سيـد الخلـق ماحـاد=في سيف عدله صـان حـق الكرامـه
وأكمـل مشاويـر الوفـا بعـده أولاد=سعـود ثـم فيصـل وخالـد وامامـه
وأكمل مسيرتهم فهـد والرخـا عـاد=حتى بلـغ عصـر التطـور مرامـه
ومن كف أبو متعب على الخير معتـاد=فرض علـى العالـم حـب احترامـه
وسلطان سلطان العطا رمز الأجـواد=كفه مثـل سيـل(ن) تسابـق غمامـه
حب الوطن يبقا على روس الأشهـاد=في عهد أبو متعـب مليـك الزعامـه [/poem][/poem]


[align=center]الوايلي[/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العمر رحله والفعايل محاصيـل=والمجد صيت والمراجل وسيلـه
والعز بيدين الرجـال المشاكيـل=ذخر الزمن لاصار بالوقت ميله
أنا عنزي وافخر على باقي الجيل الوايلي به أعتزي وانتخـي لـه
حماية المظهور ركابـة الخيـل=ستر الخوي والجار منجي دخيله
مدلهين الضيـف أهـل التعاليـل=رمز السخا يوم المكـارم قليلـه
أهل الدلال الصفر والبن والهيل=طيب وكرم كل العلوم الأصيلـه
أمجادنا أشهر من النجم وسهيـل=نجومنا في كـل صبح(ن)وليلـه
صغيرنا يكفي ملاييـن حلحيـل=ورجالنا يسـوى لحالـه قبيلـه[/poem]


[align=center]ياسعود[/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياعـالـم خفـيـات الأحــوال=باسمك يزين القـاف والشعـر كلـه
سر ياقلم واكتب حروف(ن) على البال=موجهـه لسعـود وتاصـل محـلـه
ياسعود مايامن مـن الوقـت رجـال=كم واحد(ن) ضيع طريـق (ن) يدلـه
دنيـا غريبـه ماعرفنـا لهـا حـال=فيهـا الهنـا فيهـا الشقـا والمذلـه
هذي دورب الحب فيها العنـا طـال=تورث على الرجال شوق(ن) وعلـه
بيني قصور مـن الأمانـي والآمـال=ويرخص جميع الخلق لعيـون خلـه
وآخر طريقه شوية احـلام واطـلال= أسيـر للذكـرى ويشكـي علـى الله
جددت جرح(ن) ماضي لـي ولازال=بيـن الحنايـا طـاري الشـوق تلـه
سيف الغلا ناكر جميـل(ن) ومحتـال=فـي لحظـة النسيـان لازم يسـلـه
جتني تودعنـي ودمـع الألـم سـال=راحت وجرحي باقي (ن) في محلـه [/poem]


[align=center]سكر غلاك[/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كيف ينساك قلب(ن) ذاق سكر غلاك=كلما جيت ابنسا خانت الـروح فيـك
ضعت مابين مرك وبين بلسم حـلاك=عاقل(ن)خان ظنه وخاطره يرتجيـك
ماحسبت الليالـي تاخـذك يامـلاك=تنسج اكفان حلم(ن) احتضر بين ايديك
ماألومك حبيبي الخطا ماهو خطـاك=ماتجيك الملامه وانت عامل ماعليـك
ارحلي واوعدك قلبي وافي مانسـاك=مامضى العمر فدوه ومابقا يحتريـك [/poem]


[align=center] لحظة الذكرى[/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حبيبتي متى الدجى يتبعـه نـور=وتفرح قلوب(ن) في زمنها حزينه
ياما انتظرت ايام وسنين وشهور=في لحظة الذكرى روحي رهينه
قالوا مجال الحب أمواج وبحور=لا ماعرفته في حلاتـه وشينـه
في أوله فرحه وفي آخره جـور=غنوا به البدوان وأهـل المدينـه
في صاحبه لو هو تكبر ومغرور=في داخله تسمع خوافـي حنينـه
في صاحبه ماينفع النصح والشور=يعيش فـي حلمـه بقايـا سنينـه [/poem]

[align=center]صمت المرايا[/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من عشق صمت المرايا ماعرف طعم السرور=ماعرف للفرح معنـى والحـزن دايـم معـه
يكتب آلامه سعاده دفتـره صـدق الشعـور=حرفه الذكرى أمانـي والحبـر مـن مدمعـه
داخله صرخة سجين(ن) يشتكي ظلمه صبور=يرفع بصوته ينـادي بالصـدى ثـم يسمعـه
حاصره ياسه وسجنه موت من قلعه وسـور=كلما أعلـن هروبـه بـاب جرحـه يمنعـه
ثم يرجع في مكانه يرسـم أحلامـه سطـور=بعثر أشواقـه قصايـد فـي فـؤاده يجمعـه
تاه في ليل المدينه ينتظـر وقـت الحضـور=ينتظر حفلـة غرامـه حتـى شمعـه ولعـه
رتب ورود المحبه والشذى وأحلـى العطـور=وأجل همومـه وحزنـه والثوانـي الموجعـه
وللأسف إنه تمادى بالأمـل صابـه غـرور=واشرقت شمس الصباح وليل حزنـه [/poem]


[align=center] رمز البراءه[/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خذ يابحر كل الأماني والأشجان=وعطنا من الماضي جمال الطفوله
قصه وفا قصة عطا كان ماكـان=في ماضي سنين العمر والبطوله
عنوانها رمز البراءه والإنسـان=وسطورها بيض النوايا الخجولـه
أطفال نلعب نلتقي كـل الأحيـان=والعيد نرقب فرحته مع وصولـه
نضحك وفا باعماقنا دون بهتـان=فينا التسامح والمشاعـر جهولـه
نرسم أمانينا على كـل الألـوان=نعيش لحظات الزمن في سهولـه
أحلامنا كبرت على مر الأزمـان=ومعها كبر فينا الأمل والرجولـه [/poem]

رمضان العنزي 11-22-2008 12:15 PM

رد: ديوان الشاعر : مخلف ختام الضوي العنزي
 
[align=center]صح لسانك يابو ياسر

روعه في المعاني وقمة في العذوبه

وننتظر اكتمال عقد هذا الديوان بالمزيد من اللؤلؤ[/align]

سامي التويجري 11-23-2008 04:17 AM

رد: ديوان الشاعر : مخلف ختام الضوي العنزي
 
[align=center]اخوي مخلف
تشرفت بتصفح ابياتك الجميلة

صح لسانك وبيض الله وجهك[/align]

الجعفري الغريب 03-25-2010 05:20 PM

رد: ديوان الشاعر : مخلف ختام الضوي العنزي
 
صح الساااااااااااااااااااااااااااااااااااااااااااانك


الساعة الآن 05:39 PM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.