(( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
مالي وطن =[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
مالــي وطـن لا تسألوني انـا منيـــــن=غـريــب انا بالأرض مالي هـويــــه
اسمـي فهـد مـدري سعـد يمكـن حسين=تحـديــد اسمــي مـايشكــل قـضيــــه
اسمـي انكـتب عـند العرب بين قوسين=واصبحـت منفــي في عـيون البقـيـه
ضيعت انـا في غـربتي مولـدي ويـــن= يـا دمعـتي تكـفـيـن ردي عـليـــــــه
قـولـي لهـم هـذا عـنزي واعـرفه زيـن= قـبيلـتـه فـي نجــد ماهــي خـفـيـــــه
يا صرختي مهما جرى بوقـتي الشيـن= لا تسكـتيـن لظـلــم وانـتـي بريــــه
قـولي لهـم هـي كـلها يـوم يــــومـيــــن= والله يهدي الراعي ويهدي الرعـيه[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
التيـــــن =[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
يللي تــنام وهاجـسي ساهــرن فــيــــــــك=حرام شف هاجسك كم نام فـيني
ياكـافــرن في عـزتي ذل اصــلـيــــــــــك=خـلاص حـــد الله بـينـك وبــيني
ابـي انسحب من عالمك من مأـــــــسيــك=ماعـاد مـثل اول تـلوي يـمـينـي
على الامر غير الامر وش يوازيــــــــك=ياسـيـدي مجـبور ماهــو بدينـي
شف كيف صار الوضع بلعكس يرظـيك=استئذنك بــتين والتــين تــينــي
ان كان باقي لصورتي وجـــه يـعــنــــيك=اعــتق لـــوجه الله باقــي سنيني
ياسـيدي ماعاد لـي وجــــه احاكــيـــــــك=علمتني بـــدرس مارفـع جـبيني
علمتني قــبل ابـــتسم لازم ابــكـــيــــــــك=علمتني بســيف افــرض حنيني
علمتني قـبل اكــتبك لازم امـــحـــــــــيك=علمتني بــدمـع اســـقـي ونيـــني
ابنــيـك تهـدمني تـهـدمـني ابــنــــــيـــــك=في دائرت شكـــــك تزرع يقيني
اظـمــاك تشربني تــظماني ارويــــــــــك=اجــيــك تــتباعـــد ابعـــد تجيني
اجـــيك مـــدري صعــب يجــوز ماجـيك=لني انا بـظـبط ماعـرف ويـنــي









[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
نـــــوره=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
يـجيني شاعـري واكتـب =قــــصيـده اسمها نـوره
اوزن بـيـتــــــــهـا الاول=وتجي الابـيات مكسوره
وادور عن سبب عجزي=واعـيد البـيت وشطوره
احـمـل شاعــري ذنـبـــه=يـقول ابـياتي اصطـوره
اعانـد شاعـري وازعـل=تجيب الـحـل عـصفـوره
تـقـول الـكسر ياشـاعـر=حصل من داخل الصوره






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
صــدفـــه=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
يااجــمـــل يـــوم بدنـيـا=يااحلا صدفــة ايامي
يااحـلا لـحـظـتـن فــيـه= تحقق حلمي السامي
انا شـفـتـك مــثل ورده=خطفها الريـح قدامي
انا شفـتك جـبـل عالـي=عجزت ارقاه بقدامي
انا شفتـك مثـل لـمـحـه=تعاندني بها اوهامي
انا شفتك مـثل غـيـمـه=يناديها عطش ظامي
انا شفـتك مـثل ماانتي=حزن ترقصله الامي
تبين الصدق لو شفتك=انا ماشـوف قــدامي






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
يـــمــــــــه=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
يـمـه انا ملـيـت مشتــاق ابـي ارجــع=يـمه انا مشتاق لأرضي وفاسي
يمه انا مسجون من السجن ابي اطلع=يمـه انا ماعــاد اقــدر أقاســـــي
يـمـه ابـي يــمـناي تــفــلــح وتـزرع=يـمه اريد الأرض تطهر لباسي
يـمـه انا مـشـتــاق لأقـدامـك اخضـع=يـمـه لـغـيرك لا مهـتـز راســي
يـمـه انا من الشـمـس جسمي تـفـدع=يـمـه ابـيـلي ثـوب يطلع مقاسي
يــمـه انا الايام خــلـتـــنــي اقــنــــــع=يـمـه ديار الغـرب فيها مئـاسي
يـمه انا من الـجوع جيتـك ابي اشبع=يـمـه انا ضيعت اكـثر حـواسي
يـمـه انا مـحـروم ماشــوف مـسمـع=يـمه انا ماعاد خـبرك حماسـي
يــمـه عـــيونـك لا ماريــد تـدمـــــع=يـمه اذا تبكـيـن يـعـني افلاسـي






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
خيوط السراب=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
الله ياوقــــــتــــن رحــــــل=الله ياايــام الـــــــــشــــبــــاب
ايام احـــلا مــن الــعــســل=حـلـوات لــو فـيـهـن عــــذاب
راضـيــن كــنا عــل اقـــل=ماكــنــا نــشـعــر باكـتـــئـاب
حافــيــن نـركـض بـرمــل=ونعـيــيــد بـنـفـس الــثــيــاب
يصــير مـعـنا كــل فـصـل=اغرب مـن قـصص الـكتاب
اكــبــر مــشــاكـل بـزعــل=نزيلـهــا بـكـلـمـت عـــتــاب
احـــلامـنـا نـطـلــع جــبــل=نركض ورا خيوط السراب
نـبـعــد عــن حـدود الـنـزل=ونــتـيـه في وســط الضباب
نسئل بعـضنا وش حـصل=ونـضـحــك اذا مافي جواب
ما كـنـا نــئـمـــن بلـفــشــل=دايـــم دعــانا مــستــجـــاب
الــصبــح نــبــدا بلـعــمـــل=ناويـن نــتــحــدا الـصعـاب
نـبـنـي بـيـوت من الــوحـل=ونصـنـع لـها سقـفـن وباب
ونـزرع حـوالـيـهـا سـبــل=ونـسـوى الــدنـيـا خـصـاب
واذا شــفــنــا بـهـــا خــلـل=بلـحـظـه نـرجـعـهـا تـــراب






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
نهاية الشوح=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
ياصاحبـي يكـفـي وانا اقـول مـسمـوح=تعـبت اداوي وانت تعــبــت تــجـــرح
حاولـت اكـمـل مـعـك نهـايـت الـشـوح=ومشيت ماطاوعـت من كان يـنـصـح
مـتـحـمـلـن ظلـمـك لـي سنـيـن مذبـوح=كـم ليلـتـن قــلـبـي بسبايـبـك مــمــرح
تـخـطـي بـحـقــي دوم وانام مـجــروح=ونسيـت ان الـكـيــل لــو زاد يـطـفـــح
تـعـال واحـســب كــم قــدامـك اللـــوح=واجــمـع معاناتي معـك قـبـل تـطـرح
تضحك وانا صوتي من الدمع مبحوح=كـنـك بـتعـذيـبـي وانا اصيـح تـفــرح
حــولـتـني لـنسـان ما عـنـده طــمــوح=وزرعـت فـيـني الشك والخوف يذبح
خـلاص تايـب مـنـك يامتعـب الـروح=لا تـعـتـذر مـنـي ولا ابـيــك تــشـرح
ماعـاد لي بلـحـب حاجــه ومـصلــوح=عـفـت الهوى لجـلك وابي منك تبـرح
طالـبـك ابـعـــد ويـن ما ودك تـــروح=اترك سبيل الـقـلـب ان كـنـت تسـمـح
حاولـت اخـلـي الباب لصلح مــفــتوح=بـس انـت ماخـلـيـت لـصلـح مـطـرح






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
هزت الرأس=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
حاول تمييز دوم في مستوى الناس=السالـفه تـحـتاج مـنـك اجـتـهـادي
ترى البشر مخلوق من عدة اجناس=وكـلـن عـطاه الله طــبع ومـبـادي
بـه وحــداً بلــفـهـم تـلـقـاه جــرناس=من قبل لا تـدعـيـه يـجـيـك حادي
يفهم على مغزاك من هزت الـراس=طـبـع كــذا والشي فـيه اعـتـيـادي
وبه وحـداً بـشـرح يـحـتـاج كـراس=ولا يفهمك لـو كـنت بسمه تنادي
حـتى ولـو تـعـطيه لــدرب مـقـياس=تلـقـاه بـعــد شـوى بـدرب غـادي
وبه واحداً مبداه يتعـب على الساس=ولا ياخـذ من العلم غـير الوكادي
واحذر ترى التجبـير ماينفع الكاس=اذا انـكـسـر ماعـاد منــه مــفـادي
الـكـلمـه اللى مـنـك مـرت ولا باس=مرت وهي بلقلب تـحـرق فؤادي
ياصاحبي لو تجرح انسان حساس=ماهو مثل لو تجرح انسان عادي






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
فوضت الليمون=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
يااخــي قــســم بالله جـنـنـتـنـي جـــنــون=ذبـحـتـنـي كــل يــوم طالـع بـمـوضه
ذبـحـتــنـي كـــل يــوم طالـع لــي بلـــون=الـقـلـب من سبـتـك بانـت رضوضه
مـزيـون ادري فــيـك بلــحـيـل مــزيـون=مـثـلك يـبـيـله حـظ ناس محضوضه
نـشــفــت دمــي بــس طالـبــك بلـــهــون=ما كل جـدول معــك اقــدر اخـوضه
احـذر تراني انسان وبه عـنـدي عــيـون=وكـم واحـداً بـشوف ضيع فـروضه
ما كل مـره الوضع لصالـحـك مضمون=احذر ترى العطشان يجتاح حوضه
تــرسم لــي الــتـفـاح وتــقــول ليــمـــون=كـنـك تـعـلـم طـفــل تــوه بـروضـه
حامض حـلـو ماابـيـك تشرح لي شلـون=ودي انا بـذوق اكـشـف غـمـوضــه
لـيـمـون ادري فـيــك طـعـمــك ملـعــون=وش لـذت اللـيـمون لو ما الحموضه
يعني ان شربتك شرب وش رايح يكون=تصيـر فـوضه خلها تصير فـوضه






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
أنتي=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
انتي قـصيــده لـحنـوها المجـانـيـن=وانا كــتــبــت ابـــيـــاتـــها وتــــعــــذر
انتي الـسـعاده في عـيـون الملايين=كـلــن يـشـوف افــراحـهـا ويــتــحـسـر
انتي اميره عايشه بـقـصر دورين=وانا بـــخــيــمــه مـسكــنـي ما تـقــيـيـر
انتي البـرائه في عـيـون المساجين=حاولت اعــرف سـرها وصحـت مقدر
انتي رســاله عـذبـتـها الـعـناويــن=عــنـوانـهـا ظايــــع ولا عــــاد يـــذكــر
انتي ابتسامه راسـيـه بـيـن هـمين=رغــــم الـتعــاســه جـــوها ما تــعــكــر
انتي طــريــقً اولـه اجـهـله ويــن=مــره اتـــقـــدم فــيــه ومـــره اتــئـخـــر
انتي حـديـقـه كـلها ورد يـسـمـيـن=اخــــاف يـذبــل وردهـــا ويـتـــكــســر
انتي سحرتي ملوك كل الشياطين=وباب اكـتـشاف الـسـحـر عنهـم تسكـر
انتي اعرفـك لو مسك كفك الطين=يــــــصـبــــح ذهــــــب الله الله وكــبــر
انتي وانا اذا ضحكــنـا مـجــانـيـن=واذا بـكــيـنـا يصـبـح جـــنــون اكــثــر






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
ياعذابك=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]

ياعــذابــك ياعــذابــك=ضاع من بدري شبابك
صدمتـك كانت كـبيره=كـيف تـتحمل اعصابك
تحـسبه انـسان صادق=قال لك اعـشـق تـرابك
انـت وش لك بلـمـحـبه=من كسب ذنبك وجابك
تحسب ان الحب لـعـبه=تـرسم قــلـوب بكـتـابك
قــمت تـشكـي وتــألــم=يـوم سهم الحب صابك
عـلـمـك للـحـب ظـالـم=كـــل يــــوم يـــدق بابك
بـعـد ما شافك عشقته=اعــتـذر مـنـك وســابك







[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
احلام مجنونه=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
اغـــيــرها انا بـنـفـسي=انا لــي نــفــس اغــيــرها
تجيني من السماء حره=ومـثـل ماجـت اطــيــرها
ورق واحلام مـجـنـونه=بديـت احـــرق دفـاتـرها
بديت ارسم على الواقع=طــمـوحـاتي واصغـرها
وهـم اكـثـر فـنـاجـيـلـي=شـقـا ودروب اسـافـرها
تعببـت امشي من اولها=وتعبت ارجع من اخرها
ورق واقـلام مسـمومه=تـحـاصرني خـنـاجــرها
ورق جوعي لـه ابوابً=عـجــز خـوفي يسكـرها
صور والناس بعيـوني=بـديـت اقـــرا نــواظرها
ورق زعـلان والـتربه=نويت ازعــل واهاجرها
نـويت اجــمـع نهـاياتي=علـى نــفـسي وافـجـرها








[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
يامرحبا=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
يامرحبا بزوار وضيـوف ويلان=بسم الـجميع الـيـوم رحبت فـيكم
تـفـضلـو في خيـمة العـز والشان=فـي مـنـتـدى ويـلان الله يهـديـكم
تصفـحو في المنتدى كـل الالوان=نسمـع خواطركم ونسمع حـكيكم
اقـولها بسمـي عـن كـل الاخـوان=فـي مـنـتـدى ويلان حـنـا نـبـيكم








[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
الموت المحتوم=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
تـعـبـت اساـفر ووعـد الـليـل بنجـوم=تعـبـت اكابـر ووعــد الكـسر بـجـبـار
تعبت جيتك اعـتـرف جـيت مهـزوم=تـعـبـت ابـرر غـلطـت العـمـر بـعـذار
جيتك مثل مارحت ماعـنـدي عـلـوم=جـيـتـك جـسد يمشي مهـدوم الافـكـار
جيتك بهمي حـزن وبحـزاني هـموم=جــيـت اتـذرا فـيـك مـن كــل الانظار
جيتك ظما عطشان ابحث عن غيوم=رعـيـتــي ماتت مــن قـــل الامــطـار
جيتك وانا خجلان ياعـيـبـت الـشوم=وقـفــت قـدامـك نـفـس الـخـطا صـار
كـرهت انا نـفسي واصبحت مذموم=ظاعت طموحاتي مـن غـلطت حـمار
كابـوس يزعـجـني مـن لـذت الـنـوم=يـسقـيـني بلـحـظـه كـاسات الامــرار
رفـعـت انا راسـي وناديـت مـظـلوم=صحيت من نومي من الخوف منهار
جيتك بوجه السـيـل والموت محتوم=والـعـاصفـه جـتـنـي قـدامـهـا غــبـار
جيتك صور ماتت في داخل الـبـوم=يـــوماً تـطـالـعـهــا تـحـتـار تـخــتـار
لا تـحـسـب اخطائي وتكـثـر اللــوم=ماابـيـك تعـطـيـنـي لـخـطـائـي انـذار
يااخـي اذا فعـلن بـي كـنـت ملــزوم=اذبـحـني اشرفـلي مـن عـيشت الـعار
جـيتـك واحـس اني نصين مـقـسوم=نصن يـبي الـجنه ونصن يبي الـنـار








[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
قليل خبره=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
يااخي ابـي افهم بـس وش ودك تـكـون=اتـعـبـتــني والــوضـع ما فـيـه دبـرة
مـــره تــذم الـــوقـت وتــقـول مـلـعـون=ومــــره لـسـوء الـحـظ تـحـط زبـرة
تـبــي عـلى هامان تـصيـر فـرعـــــون=ما تـدري ان ايـوب مـرمـره صبرة
تبي تـطول الـمـجـد وما تدري شـلــون=ما يـوم مـن غـلطـتــك اخـذت عـبرة
كلما ضحكلك شخص تحسبه لك عون=يااخـي الـمصيـبـه فيك قـلـيـل خـبرة
يمكن تلاقـي شخـص من بـيـن ملـيـون=ان قـلـت لـه يـمنـاك يعـطيك شبـرة
حــاول تخــلي الــسر بداخلك مــدفـون=واحـــذر تـدل الـنــاس بمكان قـبــرة
ماكــل عــقـدة حـبـل تــنـحـل بـسـنـون=ولا كــــل جـــرحً لـم ناوي لـجـبـرة
الـــريــح ما تـنـســد بـلــواح كــرتــون=والعظم ما تحميه من السيـف هـبرة
ما هو كذا وش فيك لا تصير مـجـنون=عمر الجمل ما فات من خرم الابرة




[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
محتاج راحه=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
ياشـوق انا تـعـبـان مـحـتـاج راحــة=ياشوق انا ومن التـعـب ودي ارتاح
عـبـرت بـحر الـهـم جـيـتك سباحة=جيتك من الحرمان قلبي له صياح
ياصاحبي ما جيت قـصدي سياحة=ياشـوق انا جيـتك وانا كلي جـراح
الياس وسـط القلب اعـلن نـجاحـة=وصيطر علية يـوم عني الامـل راح
من سبـتك بالقلب صـارت مـنـاحـة=الــروح من فرقاك ما شافت افـراح
بيني وبـيـنك صـار لـيل وصـبـاحــة=زولك اشوفة بس من دونك اشباح
اصبحة مـثل الـطـير بلـيا جـنـاحــة=في غابت (ن) فـيـها قـوانـيـص وسلاح




[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
قصيدة باعضاء المنتدى=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
لـــو كـنـت قادر كـان سـويـت تـكـريــم=للمنـتدى واعـضـاء خــوات واخــوان
نايـف ولـد نـمـران راعـى الـمـجاهـيـم=في ويــن ما جـبـتـة تلــقــاه فـنـان
ان جاك سيف الجوود ما ضامك الضيم=يرويك كان انك تبي الشط عطشان
وفارس عـنـزه فـيـه كــل الـمـفـاهـيـم=يـمناه ماتـخـطـي اذا حـط نـيـشـان
ورمـح الشمال ان جاك كنة كما الغيم=حطة على يمناك ليا صـرت بلشان
وحــسيـن ابن هـوران للـطـيب تـقـويم=الـكـل يـشـهـد لـه فـي كل ميدان
والـريم ما تـحـتـاج هـي اسمها الريـم=بالـمنـتدى شمـعة تــضـوي لـويلان
شـمـوخ تـستاهل مـن الشعـر تنظيم=يارب تـحـمـيـها فـي كــل الاحـيـان
ولـو بنت أبـوهـا جـت سـلام تـعـظـيـم=بسلوبها ماشفت بـه مثلها انسان
والـضــامـيـة ياحـلو ذيـــك الـتـراسـيـم=ياخي بـجـدارتـها سوت لـها شان
والـوايـله شـمــوخ مـن غـيـر تـنـجـيـم=مـميـزه بكل شي في كل الالوان
اما الـنـدى ياعـل ربــي لــهــا يــديــم=مجهودها واضـح على كـل الاعيان




[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
موت الازهار=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]

تـكـوٌنـي مـثل الـوهـج كـوني إعـصار=خلي جفاف الأرض يشرب غـديره
تفاعـلـي مـثـل الـلهـب في سـنـا الـنـار=خـلـي اعـجـابي فـيـك يـزداد حـيـره
تـحـركـي مـثـل الـنـغــم بـيــن الاوتار=خلي السما بالأرض ترقص اسيره
توجـهـي حـسب الـهـوى ويــن ما دار=تلاعـبـي بالـــريـح وانـتي خـبـيـره
تلاعـبـي بعــصابهـم لــيــن تــنــهــار=من تـحـهـم بسكات تلـي الحصيـره
تـغــزلي في دمـعتـك مـوت الاشـعـار=واسقي هوى الابداع كاسه اخـيره
لا يزعلك تحت المطر موت الازهار=انـتـي وانا والــكون هــذا مصيـره
تشاهـدي في مـنـتهـى كـفــر الانـظار=قــــدامـهـم مـوتـي وانــتي كــبـيـره




[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
اخاف=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]

اخـاف بـعـد الـهجــر يكـثـر عـنـايه=وتحرمني الأيـام شـوفـت عـيـونك
واخاف سيف الظلم يكسر عصايه=وفي زحمت التفكير تكثر ضنونك
مهـما ظلـمت الـقـلب تـبـقـى رجايه=ابــدً ولا فـكـرت بلـحـظـه اخــونك
مادام اشـوفك حــي راضي بشقايه=مالــي انا بلــكــون دنــيــا بـــدونك
ودي اشــوفــك فـوق عالي بسمايه=مثل الـقــمـر كــل يوم يزداد نورك
اشتاق اشوفـك وانـت جالس معايه=من بـد كـل جـنـون اعـشـق جنونك





[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
طريق الموت=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
اسامحك في كــل الاحوال واعــذرك=واصـبـر واضـحــي واتـحـمــل خطاياك
تخطي بـحــقي دوم واشوف خاطرك=وازعل جميع الناس بس اكسب رضاك
جــيـتـك وانا مـشـتـاق اقـــرا دفاترك=ودي اشـــــوف الــيــوم وشـــي نـواياك
كانك نويت الـصد مـقـدر انا اجـبرك=اوعـــدك انا ما جـيك ووعـدك ما نساك
نصحة عـنـك الـقلب ما طاع ابشرك=قــلـبـي عـــصانـي فــيـك وقال اتـحـداك
كانك طريـق الـمـوت ودي اسافـرك=لاشـــك انا ما عــيـش لــحــضه بلـيــاك
مشتاق جرح القلب يحضن خناجرك=اجـرح وخـل الــروح تـكسب عــطاياك







[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
البريد الخاص=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
انا احـمد الله دوم هــو مالك الــمــلك=ولابـد بـعــد الـضيـق تاتي انفراجه
ياصاحبي بالله لا تــقــطــع الــسـلك=حبل الوصل ما ابيك تـقطع سياجه
انا ادري ان الــحــب ماهــو بداخلك=وقـلـباً بلــيـا حــب صعـب اندماجه
لـــو اشـتـكـي لـناس بـيــه عـمـايلك=يـحـن مــن شكواي حتى الـــخواجه
دايـم علـى راسـي تـوقــع مـشـاكلك=وادفع ثــمـن اخـطـاك قـبـل نتواجه
ماهي عـلى كـيـفي مـجـبور اجاملك=مادام صار الـقـلـب عـندك علاجه
قــريـب مـني ايـه ولا قادر اوصلك=ومابـيـني وبــيـنـك إلا الـــزجاجه
مــعـــاي انا بـذاة ســــيء تعـامـلك=قـلـبً يـحـبـك لـيه تـطفي ســراجه
ياصعبها ليا صـار غاليك مزعلك=وتـقول ابـي اخليه يصفى مــزاجه
وتجي بـعـد يومين تــفـتح رسايلك=وتلقا البريد الخاص ما فــيه حاجه








[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
البرد الشمال=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
والله انـــــي ما عـــرفــــت اللــى جــــرالـي=لــيــن شــفــتــك بــعــد الـقــيــبــه الطــويله
ياهــــلا بـــك ياهـــــلا باللــــى عــنــالــــى= ياهـلا بلـي مـعـذب بالـهــوى كــل القبـيله
لـــو عــرفـــت انـك بـقـلــبــي زود غــالــي=والله انــــــي مــتــركـــك تــغـــيــب لــيــله
لـعـن ابــوك شــلـــون تاركــــنــي لــحـالـي=ما حـسـبـت حـسـاب مـــن تاخــــذ دلــيــله
وين تاركني ورايـح ومـشـقـلً علـيـك بالي=ليه ما تصـدق علـى الله يـوم تسمعلك نقيله
دام تــدري ان غـــــيــــرك ما بـــــقــــالــي=لـيـه ما ترحـم انـسـانً ما بـقـا بـيديـه حـيله
جرب اشواق المحبه حط نفسك بـس بدالي=شوف النفس العزيزه اصبحت عندك ذليله
خــاف ربـك واجــبــر بـخـاطــر ســـؤالي=خـلـني عايــش بـجـنـبـك احـلـم بدنيا جميله
تذكر يوم اجيك عاني ناطح البرد الشمالي=وانت مستـدفـي وجالـس مـشعلً قلبي مليله
اه ياناســي وعـودك ويــن الـحب الـمثالي=لـيـه ما تـرحـم اشـواقً كـلـهـا ماتـت قـتـيله
اه مـن دربً مـشـيـتـه لاولـه ما فـيـه تالي=اه من حـظي رماني بقسوت العين الكحـيله
كــل ما جـيـتـك بحاجه قلـتلي مابه مجالي=دايم الغايات عـنـدك فـيـها تبرير الــوسيـله
ليه يامـتـعـب دليلي ومسهرن عـيني ليالي=ليه ما تـرحــم دمـوعً نـوخت عـندك دخيله
ليه ما ترحم ظـنوني وتقطع الشك بخيالي=ليه كـبـرتك بـعـيـنـي ونظرتك بـيه قـلـيـله
طالبك هـي بس كلمه قـلـتـها ولاني مبالي=سولك معـروف بيه واتـرك القلب بسبيله









[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
عم صابر=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]


ياعم صابر دوننا تـنـبح كلاب=شف كـم واحــد والنوايا خفيه
ياعم صابر لو نـبي حفنت تـراب=تضيق فينا الارض لوهي فظيه
ياعم صابر لو بنا شـي يـنعاب=محـدً سبق عناز لحوض المنيه
ياعم صابر لو بنا شخص كـذاب=ماكان صرنا من توالي الرعيه
ياعم صابر دامنا بديرت اجـناب=ترى عظيم الاصل يستر خويه
ياعم صابر لـو بقا تالي حساب=هي كـلها يوميـن وتـفـرج عليه
ياعم صابر خلنا احسن اصحاب=مايستحق الــوضع ترهن هويه
ياعم صابر لـو نبي نفتح ابواب=يـجوز ضد الوقت نرفع قضيه
ياعم صابر خـلـنا نغلق الباب=نسكـت ولـكن لسوالف بـقـيه










[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
رساله لملك الأنسانيه=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]

جـيــتك بـعـــد ما انـكــرو انــي انـسـان=جـيـتـك بـعـد ما مات اخــر شهودي
جـيـتك وانا مـهــدوم مـن كــل الاركـان=حلم الـمـطر ما عـاد يروي ورودي
جيــتك وانا بلــفـعــل بلــحـيــل تـعــبـان=على رغـيف الخـبـز ابـذل جهـودي
جيتك مثل ما رحـت مجموعت احـزان=فوق الـفشل ضيعة عــزت صمودي
ياسـيـــدي جــيــتــك وانا كـلـي ايــمـان=اطلب من الرحمن وادعـي بسجودي
اقــولـهـا مـن مـنـتــدى الــعــز ويـــلان=الــمــلك عـــبدالله هـــو مــقـصـودي
وعسى الخـبر يوصل لنايف وسلـطان=هم عزوتي لو صار وقتي جـحودي
انا عـنزي والـشـيـب فـي لـحـيــتي بان=على انـتـكاس الـحـظ هـمـي يزودي
ادوس انا الـشوكـة لـــو كـنـت حـفـيـان=الــوقــت ما بدل فــيــنـي ركــــودي
ياخــادم البـيــتـيـن بـك جـيت عـشمـان=ومـن التعـب نوخت عـندك قـعـودي
ياسـيــدي طالـبـك انا قـــدر الامــكـان=كيلي طفـح والصـبـر وصل حدودي
ياسيــدي ياصـاحـب الـمـلك والــشـان=جـيـتـك وكـلمـه منك تـثبت وجـودي
جـيـتـك واظـن الوقت ياسيــدي حــان=حلمي قـبل لا اموت اصبـح سعـودي











[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
الجو هادي=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]

لــو السعـــاده تـنـزرع يافــؤادي= لشري جميع الارض وازرع شجرها
وما خبرك لحين وقت الحصادي=حــتـى انا وياك نــــقـــطـــف ثـــمــرها
من بـعـدها يازين يـبـدا الــودادي=ونـخـلـي الـــحــسـاد يـــطــول سـهـرها
ونعيش انا وياك والـوقت غـادي=ولا نـحــسب الايام ويـمضي شـهــرها
ناخذ لنا جلسات في جوى هـادي=ونــنـسا زمانن راح ولـوعـــت كـدرها
ياصاحبي طالبك خـلـى العـنادي=كـثــر الـجـفى ياشــوق روحي دمــرها
اصبـر وانا بصبر ابذل جـهادي=ياللى عـلــيــك الــقـلـب روحـــي نذرها
لا تسمع الحساد واهـل الـفسادي=اهـل الـقـلـوب الـسـود جـنـب مــسـرها
خلك مع اللى فيه طـيب ومـبادي=اللى عــن الــشيـنات رجـله قـــصـرها











[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
حصل خير=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]


تعبت اوقــف وانـتـظر زحـمـة الــسيـر=تعبت اطالع خلف واعــدل مــراتي
تـعـبت اكـابر مـعـك واقــول انا غــيــر=خلاص جيتـك اعـترف في غباتي
تـعـبـت ادور بـــطــوالــــع تــبــاشــيــر=تعبت اسب الحظ واكسر عـصاتي
تعـبـت ابـــيــنـلك اشـــــواق وتـعـابــيـر=تعبت اشوف الظلم والــزم سكاتي
ياسيـدي بــيــني وبـيـنـك حـصل خـيــر=الــحـمـد لله واشكــره في صلاتي
هــذا اعــتــذاري مـنـك مع كـل تــقــدير=الـمــعــذره ياســيـد كــل الـبـنـاتي
لاتـسئـلـيــنـي لـــيــه ما فـــيــه تـبــريـر=يـمكــن لـئـني بس هــذى صفاتي
مـعــاك شـفـت اللى ما شــافــه الــزيــر=معاك انا ضيعـت اربـع جــهـاتي
قـلبً عطاك الـحـب مـن غـيـر تـقـصير=اليوم ابي ادفــن فـيه كــل امنياتي
خلاص ابي ارحل عنك من غير تفكير=والله لبـعـــد عـنـك لـوك حــيــاتي
يعني اذا ابـعـد عـنـك وش رايـح يصير=الــمــوت ارحـملي ولا اذل ذاتــي











[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
البارحه جبت طاريك=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]

تصدق انـي الـبارحه جـبـت طاريك=مع ان قـلـبي مـنك بالــحـيل شايل
الله لـو تـدري قـلـبي ش حـكى فـيـك=اوقـــولـك وش قال مانـي بــقـايل
من كـثـر ما حنيت فكـرت ان اجـيك=نـسيت بالمـوضوع سلـوم القبايل
اشتـقـتـلك بالـحيـل مـشتـاق احاكيك=مـشتـاق لك بــس اه مانـي بطايل
ما فـيه كـثـري انسان بالكون يغليك=لـكـن اعــرف الـحـظ معـاك مايل
يااخي عسى ما شر ما تسئل شفيك=قطعت عـني الـيوم حتى الـرسايل
تعال شـوف شـلون سـوى تجافـيك=صـدك بوسط القلب عامل عمايل
جازيــتـــني بالـبــعــد الله يـجـازيك=والله يالـيـلت امـس شفـت الهوايل
تـكـفـى ذبـحـني الــشـوق الله يخليك=خـلاص انا غـلطان وستين عايل









[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
وداع =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

قـلــتـي وداع وكـــل شــيً خــذيتيه=والــيـوم جــيــتي مــشرده ياحـزينه
جـيـتي لـقـلـبً مــن حـنانك حـرمتيه=بـعــد الــفــراق اليــوم جـيـتي تبينه
بـعـد الـعــذاب وبـعــد جــرحً جرحتيه=لاشــــك قــلـبـــي ماتــجــرء اهـينه
روحـي مـع اللى من ودادك عطيـته=وقلبي عسى الله في فراقك يعينه
قـولـي تـوفـى مات قـولـي فقدتيه=قـولـي جمعـتـني فـيـه صـدفه لعينه
مشيـت دربي يـــوم لــيـه رسـمـتيه=وبأخـر طريـقـي شاف قـلبي حنينه
وفـجـئـه بلـيا ذنــب قلبـي حـرفـتـيه=وضاع الطموح وضاع شعب ومدينه
طبع الوفى من وسط قلبي محيتيه=واصبـحت انا الـقدار وانـتي الأمينه
الـمـوعد اللى بـعـد جرحي طلـبـتيه=ارجــوك بــعـــد الـــيـوم لا تـطلـبـينه
روحي مع اللى بـجرح قلبي تبعتيه=والـمــوعد الــمـشــؤم لا لا تـجـيـنه
خــلاص حــبي مات ونـتي دفـنـتيه=واصـبـحت املك شــى ما تـمـلكينه





[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
مجرد اعجاب =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

ياغلطتي ما كـنـت عامـل لها حساب=ياويـل قــلــبً فـيـه شـبـت حـريـقـه
من واحـــدً بالـحـب سـوى لـي كتاب=واصـبـح بـحـكم الـحـب عنده وثـيقه
لا يـعـترف بالــحـق ولا يـقـبـل عـتـاب=ومـكـانـتـه بالــروح صـارت عـمـيـقه
من بـعـد ما كانـو لـي اصحاب وحباب=الـيـوم قـرب الناس ما عـاد اطـيـقه
انا اشهد ان الـحـب تـخضع له ارقاب=كــــم واحــــدً خـلاه يــبـلــع بـريـقـه
ياسـيــدي طالـبـك مادامـنا اصـحـاب=اعمل معي معروف شفلي طريقه
ماعـاد عندي وقـت اشرح لك اسباب=جـيـتك بعد ما الصبر وصـل مضيقه
في داخـلي ماعـاد تـتـحمل اعـصاب=يعني على ما قيل بي الـف ضيـقه
تـصـدق قـسـم بالله طاريـك ما غـاب=عـنــي ولا فارقــت عـيـني دقـيـقـه
اتـخيـلك هـذ انت واقـف على الـبـاب=اكـلـمــك مــــرات كــنــك حـقـيـقـه
انا احسب ان السالفه مجرد اعجاب=واثرى السوالف كل ابـوها عتيـقه





[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
ارخي معك الحبل=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

ياصـاحـبــي مادام سـويـتــها جـــد=وانا قـبـلـت الـيـوم مـنـك الـتـحدي
بـعلمك وشلون توقـف على الـحـد=وتـشـوف انا وشـلون يـطلع بـيدي
والله لا خلـيـك تلـطـم عـلـى الـخـد=واعلـمـك وشـلـون تـصـيـر ضــدي
ما عــاد مــثـل اول اجــيـب لك ورد=ولا عـاد اخـلي مـنـك كلمه تـعدي
خلاص وسـط القلـب ماعـاد لك ود=وشلون اودك وانـت ضـيـعت ودي
حاولـت اكـمـل مـعـك نـهايت الـعد=لـكـن على ما قـيـل ضيـعـت عـدي
مثل البحر كل يوم لك جـزر لك مـد=عجزت انا لا فهـمك وبـيحت سدي
ارخي معاك الحبل واشوفك تشد=خلاص ياابن الناس وصلت حــدي
ان راح مــعـك الـقـلب عساه لا رد=عز الله انـي فيه من اجلك مفدي
مانـي مـهـدي لا لـو قلت لـي هـد=لو كنت ناوي الصلح ما جاك ردي





[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
درب الهوى مافيه يمه ارحميني=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


ياللي حـرمت القلب مـن كل الاوناس=الله عـسى بالـصبر عـنـك يهديني
حـبـك بـوسط الـروح يـجري بالانفاس=اغـلـيـك اكـثـر ايــه مـن نـور عيني
عليك قلبي يـضرب اخـماس بسداس=لــم نـشـدته قال يـمـكــن نسيني
كانـك نــويــت الـبـعـــد يازيـــن لاباس=فـهـمـني الـمـوضوع بـيـنك وبيني
انـت تـعرفـني انـي انـسان حساس=عـمـري ولا فـكرت افـرض حنيني
انا اشـهد ان الـحـب راعـيـه مـحـتاس=ودرب الهوى مافيه يمه ارحميني
لـكـن تــرى ما هـو كـــذا قالــو الناس=الله يـهـديك شـلون سويت فيني
قطعت فيني الحبل من الراس لراس=حتى الخـبـر ما عـاد منـك يجيني
اقـفيت عني ورحـت ياطـيـب الساس=كـنـك على فـرقاي حالـف يميني
نـكـبـتـني ياصـاحـبي نــكـبــت دباس=وحـنيـت بــعـد العز هامت جبيني
حطـمتـني واعلـنت من بـعـدك الياس=وبـديت انا بالـشك افـقـــد يقيني





[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
ياصعبها=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


حـاول تـعــيـد الـتـجــربه حـاول تـقـوم=عـمـر الفشل ما كان يعني النهايا
توصلك هدفك ان كان به لك مقسوم=خـل اعـتـمادك دوم بـــرب الـعطايا
ارجـــع وخــل الامــر بدخلك محسوم=لا تـنـتـظـر بالـعـطـف ضـفـت عـبايا
تـهــز راسـك خــوف وتـقـبل خــشوم=عشان لـقمت عيـش بـعت الـمزايا
لا ياولـــد ما ابـــيــك تــنــام مـتـهــوم=احـــذر تــرى تـعـمـيك سود النوايا
ان طعـتـني انصحـك لا تـتـبـع الـبـوم=خــذها نـصـيـحـت اخ وخــلك معايا
ام تـعـيـش انسان ولك وضــع معلوم=ولا تـمـوت بـــعــز بــرجــم الهـبـايا
ياصـعـبـها لــو قـلـت لنسـان مـفهـوم=ومالك خـبر بالضبط وشي الحكايا





[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
خلاص توبه=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]



خلاص انا من اليوم ماجـيـب طرياك=قـلـبً يـحـبـك امـس اعـلن هروبه
لا تـعـتذر لي ارجـوك وتـبـرر اخطاك=يااخـي قـسـم بالله خــلاص تـوبه
كاني سلمت وعش من شر بلـواك=دربً اشـوفـك فـيـه ما مــر صـوبه
اخـطيـت انا يازيـن تـبـعـت ممشاك=والادمـي بااخـطـاه يـطـيـح نــوبه
عـجـزت انا بالـحـب لا افـهـم نواياك=وقـلبـي مـعـك يازين ضـيـع دروبه
لا عـاد تـنشد ليه او كيـف وش جاك=الـكــل مـنـا الـيـوم يـعـرف ذنـوبه
لــو اشتـكـي لـنـاس بـيـه سـواياك=من يستمع شكواي يشق ثـــوبه
لـو ادري ان الحب به ناس شرواك=ماكـان جــيـت الـيـوم دقـيـت بـوبه
قـلـبــي مــع الايام لابــــد يـنـساك=لـو هي على ما قيل فيـها صـعوبه




[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
ابي انسحب=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]


نــعـم عـشقـتـك ايـه والـحـب سلطان=ماهـو خطا ولا اشـوف فـيـها جريمه
من هـو بـنـا ما حـب قـولي لـي فـلان=فـي عــصــرنا هـــذا ولا الـقـديـمـه
شـكيـت لك مــرات ولك قـلـت ولـهـان=لـكـن مـعـي بـجـفاك كـنتي عديمه
كـنـتي بسراحه معي ما فيك وجـدان=اسف تـرى ما كان قصدي شتـيمه
ما نـجـبـرك بالـحـب يابـنـت الاحـسان=لـو كان صــدك لـي اكـبـر هـزيـمـه
اقـولـهـا يابــنـت لــو كــنــت شـفـقـان=حــبً يـذل الـنـفـس ماهــو غـنيمه
ابي انسحب ما عاد بالحب لي شان=واطلع على ما قيل بـقدر وحشيمه
خلاص ابي ابعد عنك وشلون ما كان=الـسـالـفـه تــحـتـاج قــوت عــزيمه
حاولت انا مــرات لــو نـصـبـح خــوان=لـكـن اخــاف بــيـوم تـرجـع حلـيـمه
تـجـنـبـيـنـي حـاولي بــقـدر الامـكان=ارجـوك انـسي ذكـرياتـن يـتــيـمـه
والـقـلب لو عاشر تـرى غيرك انسان=تبقين انـتـي في حـيـاتي عظيـمه






[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
عدلك مزول=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]



مازلــت الاول ما تــغــيـرت فــي شـي=الـلـى تـــغـــيــر فـيــك ما زال الاول
تـــنـام زارع وردتــك فـــي ذرى وفــي=تـصـحـي وتـلـقا الـفـي عـنـها تحول
هــو انــت الاول نـظـرتك نـفـسها هي=كـلـما صـعـد بــك نـجـم قمرك حــول
تــغـيب لـين انساك ومنك اغـسل ادي=تــحـب يـــوم تــغـيـب يـنـقـال طــول
تاخــذ مــن افراحي وهمك يــجي بي=تعطي الذهب غيري وعندي تسول
اخــذتـني كـلـي مـــدري شبـقـى لـي=المشكــله عــنـدك مانــي مــخــول
مالي مـعــك مـيـت ومالك مـعـي حي=دايــم عـن حـقـوقي عــدلك مــزول
مـــن كـثـرتك عـنـدي تـشوفني شـوي=مــن قـلـتـي عـنـدك قــمـت اتـهـول
تبكي عطش واديك هي تعطي المي=تبي الــمـطر مني وغيـمــك تــزول





[/poem]

رد: (( ديوان الشاعر ممدوح هلال العنزي ( المنفي ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=ex num="0,black"]
اوصيك=[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]

خـــلاص هانــت ياولـــد والـخـطــر زال= الـحـمــد لله يــوم طــفــو لهـبـها
لـكــن ابـــيــك الـــيـوم تـصـيـــر رجــال=ما تخطي الـخـطـوة إلا تحسبها
احـــذر خــوى الـــســـوء تــراه نــقــال=ان قال لك كـلـمـة اعـرف سببها
يــجـيـك مـتـعـنـي مــن غـيــر مـرسال=كـلـمـا سمـع كلـمـة جاك وجلبها
اوصـيـــك احــــذر مـنــه تــــراه دجــال=كــم ورط رجــالً وقـصــر شنبـها
وقـــت الـفـضــا تلـقـاه شـيـال الاثقال=وان شافــهــا مالـت عنك يهذبها
خـلك مــع اللى دوم يــصــدق اذا قال=اللى عـن الـزلات نـفـسه حجبها
الـكـذب ما يـنـجـيـك في كــل الاحوال=اصـدق مـع نـفـسك تاخـذ طلبها
الـمــال ما يـــشــري زيــنــات الافعال=والفقر ما عــذرب طـيـب عـربـها
وترى الغضب يرميك في شر الاعمال=نفسك بكثر الصبر عالج غضبها
والــجــار ثــم الــجــار عــدله لــو مــال=ومـنـيـحت عيـالك عـطـه يحلبها





[/poem]

رد: (( ديوان الشاعر ممدوح هلال العنزي ( المنفي ))