ياحلام
 

ياحلام نبغى احلامنا ما لقينا
الا بقايا...شوي...وشوي...وشوي
جينا ورحنا ثم رحنا وجينا
بين الظما...واللال والشمس والفي
جينا وحنا بازمن ما هقينا
انه يخلي شي من شي لا شي
نجمع اشتات احلامنا ما درينا
ان التعب مكتوب وان الشقا حي
اطفال كنا والامل يحتوينا
ماهمنا الا الضحك والمزح والغي
تضيق ولا تتسع ما علينا
لا ذيك تشغلنا ولا نعتبر ذي
عن كل شي بالحياه التهينا
الا اثنين القوة مع ازرق المي
امالعبنا اعظيم ضاح اوسرينا
واما سهرنا الليل لين يبين الظي
ياحلام طلنا بالمنام وصحينا
على نحيب الصوت والجرح والكي
ياحلام مدري وش بقا في يدينا
الا عبارة ...اخ...ولا...واه ياخي

رد: ياحلام
 

مشكور أخوي ماضي

وننتظر منك ماهو جديد إن شاءالله

رد: ياحلام
 

ياحلام طلنا بالمنام وصحينا
على نحيب الصوت والجرح والكي
ياحلام مدري وش بقا في يدينا
الا عبارة ...اخ...ولا...واه ياخي


صح لسسسسسانك لبى عمرررررك

ولا هنت على الابيات الرائعه


دمت كما تحب

رد: ياحلام
 

مشكور اخوي لكن للتنويه فقط هذه القصيده للشاعرالكبير/ صالح الضويحي وانا اخترتها من شدة اعجابي بها. اخوك/الماضي

رد: ياحلام
 

رد: ياحلام
 

صح لسانك وتسلم

على الابيات الرائعه بالفعل استمتعت فيها

لك تحياتي

رد: ياحلام