منتديات الويلان - محاوره شعريه بين سعد الجدلان وملفي المروقي

هذة المحاوره جرت في بيشه بين كل من

الشاعر/
سعد بن جدلان الاكلبي

والشاعر/
ملفي المورقي

أتمنى أن تنال إعجاب الجميع

ملفي المورقي

أنا أشوف إبن جدلان بين الجماهير سواة الوزير اللي يسحب عباته
أكيد إن عنده علم يالله عسى خير ولكن ياراعي العلم عجل وهاته

إبـن جــدلان

ليا شفت بن جدلان ويش التفاكير ومن صاح من صكات الأيام جاته
لا عينت للحمله جماميل وبعير طريق الجمل سمحان درب أمهاته

ملفي المورقي

لو إنك توعد وش يبا يكون ويصير أعرف الحديث الزين وإعرف رواته
حليل الجمل مير الجمل طاح في بير على الجمه الزرقاء تدلا لهاته

إبـن جــدلان

لو المورقي لاحق على سالم الزير خذ السيف والبرده وسوى سواته
مقادير يا قلب المعنا مقادير يوصيك من حبك وتنسى وصاته

ملفي المورقي

ترى الذيب يوم يروح فزاع وأمغير يدور مع البدوان بلعوم شاته
ترى واحد تكثر وراه المداوير عليه السلام أو رحمته وبركاته

إبـن جــدلان

ترى من توطته السنين المدابير تعمر قصر فقره وتهدم غناته
تفضون راس الضلع يا هل البواكير ولا طاح منكم واحده من حصاته

ملفي المورقي

لو أنك تعذر ما تفيد المعاذير ترى ما يفيد المسلم إلا صلاته
وحنا ليا قمنا نهد الطوابير وياجعل فقر الذيب وألا غناته

إبـن جــدلان

محمل عليك أمن الدراهم قناطير لكن طيع شوري ود حملك وهاته
أنا خابر صورتك تحتاج تكبير لكن الجهاز إيعجل أمكبراته

ملفي المورقي

وألا يا سعد ندهن لك السير ويسير وجنب صحيبك لا تنكد حياته
هدمنا جبل شمر وباقي شمنصير عسى الدش باكر يطلعه في قناته

إبـن جــدلان

ليت المورقي باقي من الكشب للنير بعيره وماه أو قربته وشوهاته
صحيب يدور صاحبه باتنانير لكنه هقا في الوقت والوقت فاته