منتديات الويلان - من قصائد عبدالله التشيم

[align=center]السلام عليكم ورحمه الله وبركاته ...
اول شي نعرف بشاعر غني عن التعريف هو الشاعر هو .. عبدالله بن حبيب التشيم من التشوم من الرشده من الشملان
من السلقا من العمارات من عنــــزه ..ولد في القصيم سنه 1350 والتحق في الجيش السعودي
حتى وصل رتبه رائـــد ثم احيل الـــى التقــاعدحسب طلبه وهاذا الشاعر من ابرز شعرا عنزه
توفي تقريبآ عام 1416 رحمـــــــــه الله واسكنه فسيح جناته
هاذه الابيات عارضه تصور بعض الواقع . . . .

[poem=font=&quot;Simplified Arabic,4,darkblue,bold,normal&quot; bkcolor=&quot;transparent&quot; bkimage=&quot;backgrounds/2.gif&quot; border=&quot;inset,4,darkblue&quot; type=0 line=0 align=center use=ex num=&quot;0,black&quot;]
صديقك الي مايجيك وتجيله=ماهو صديق ولاتحطه على البال

اللي اذا صابك من الدهر ميله =لا مال فيك الدهر حالا عنك مال

ماهمته شكواك لو تشتكيله = ماهو لحملك بعد شكواك شيال

وقت الرخا تلقاعلومه جميله=وبالعسر ماينفعك لو بشرب فنجال

لاتصاحب اللي ماحباله طويله=بالمرجله وقت الشدايد والافعال

كلش ولا قرب الوجيه البخيله=خل العـفون ولو كثر عندها المال

ياصار بالدنيا قليلا حصيـله = بلاخره كلا يحاسب بالاعمال

يالله يا منشي حقوق المخـيله=لاتجـعل المنه علي من الانذال

ولد الردى لو طاب مثل الثميله= ماتسقي العطشان في حامي الال

ترى الفتــاء مذكور عقله دليله =ولايكسي العريان ترقـيع الاسمال

راع السفر بالقيض يروي صميله خذ احـتياطك لو تروحون مقـيال [/poem]
------------------------------------------------------
قبل مايقار ب ربع قرن من الزمن كان الشاعر : عبدالله بن حبيب التشيم الشملاني العنـزي رحمه الله يعمل بوظيفة مرموقة(ظابط) فأخذ اجازة من عمله وذهب الى اهله وجماعته في البادية وفي اثناء مكوثه اتى اليه ضيوف فقدم لهم واجب الضيافة كما تقتضيه العوائد في اكرام الضيف وفي الصباح ذهبوا في سبيلهم وهو لايعرفهم وكانوا يتظاهرون بالارشاد ويضمرون في انفسهم ويخططون لعمل ارهابي مخل بالأمن وعندما انكشف امرهم بعد ذلك تبين انهم مروا عليه فتم استجوابه فما كان منه الا ان ذهب الى الأمير سلطان بن عبدالعزيز فشكا له هذا الأمر بقصيدة فأمر الامير سلطان بعد سماعها بتبرئته من هذه التهمة وأمر له بسيارة جديدة كدليل على براءته واخلاصه وقد قال في قصيدته :

[poem=font=&amp;quot;Simplified Arabic,4,black,bold,normal&amp;quot; bkcolor=&amp;quot;transparent&amp;quot; bkimage=&amp;quot;&amp;quot; border=&amp;quot;double,4,sienna&amp;quot; type=0 line=0 align=center use=ex num=&amp;quot;0,black&amp;quot;]
ياالله ياعالم خفا كل مكنون = ياباسط ارضه ورافع سماها

يامخرج من باطن الحوت ذنون = في بطن حوت مسكنه وسط ماها

اللي دعاك وقال ياخالق الكون= وامرت حوت يقذفه في عراها

وانبت له يقطين باالطلع مشحون = ظله عليه وماكله من نماها

ياناصر موسى على قوم فرعون = وادعى البحر كالطود ضربة عصاها

حتى خرج موسى ومن له يحبون= واغرق ذوي فرعون واللي تلاها

يامن فرجك اقر ب من الكاف للنون= عاجل فرجك لعلتي هو دواها

ارجوك يارب لك الناس يرجون= يارب نفسي لاتخيب رجاها

تظهر لي الحق الجلي ناصع اللون=وتثبت براتي يامجلي ضحاها

كيف الذي مثلي على السر مامون= تلصق به التهمات على عماها

الله من هم بالاضلاع مخزون = حره سطا باالكبد حتى فراها

الظلم يرث بالحشا جرح وغبون = ماتقبله نفس بليا خطاها

قلبي من الهوجاس متعب ومحزون = النار في قلبي توقد لضاها

وش ذنبنا يااللي من الله تخافون= كيف البري يجرم براعي خزاها

وش ذنبي اللي به علي تستدلون= غير الضيوف اللي نقلط عشاها

ماجيتهم خطار باالبيت هم جون= وكانت جريمتهم عليها غطاها

من يعلم ان الشر مخفا ومدفون= غير الذي يعلم خفا سر طاها

مااظن بااهل الدين ناس يخونون = امو رمانعلم حقيقة خفاها

ناس على الظاهر بالارشاد يمشون =مانسمع الا باالمنابر بكاها

حتى اصبحوا قسمين عاقل ومجنون = قسم على السنه وقسم وراها

الزمره اللي منهم الدين مطعون = اضلها الشيطان واغدى قداها

طاعوا ابليس اللي من الرب ملعون = مجموعة طاعت ابليس ورماها

يستاهلون وجعلهم مايقومون=وعند الولي يوم القيامه جزاها

باسبابهم كم من قتيل ومطعون= داسوا حرم مكه وربه حماها

الدين دونه صارم دوم مسنون = هو الحكم للي عن الحق تاها

يااميرنا سلطان تكفون تكفون = يامبتدا الشكوى ويامنتهاها

انا على المصحف معاهد ولااخون = واهل الخيانه سود الله قراها

ان كنت وامثالي بنا تستشكون= من عاد يحفظ للحكومه ولاها

اقسم لكم في رب موسى وهارون = اللي رفع سبع وطمن وطاها

مالي خطا ياامير شكات وظنون = تلخبطت عقالها وفهماها

وان كان ماوجهي عن الشك مصيون= فالموت اخيرمن الحياه وعناها

وياسامعين القاف باالله تصلون = على النبي عد الجبال وحصاها[/poem]---------------------------------------[/align]