منتديات الويلان

منتديات الويلان (http://www.al-welan.com/vb/index.php)
-   منتدى قصــائد الأعضــاء (http://www.al-welan.com/vb/forumdisplay.php?f=64)
-   -   من يشجب الثرمان يضحك بلا سن/بيت(ن)لبن هدلان شالح مسويه (http://www.al-welan.com/vb/showthread.php?t=30822)

مساعدمزعل اليمني 09-30-2019 03:48 PM

من يشجب الثرمان يضحك بلا سن/بيت(ن)لبن هدلان شالح مسويه
 
يامكثر الافكار ودن وجابن
وجارن على قلبا كثيره طواريه

مدري على قلب المواجع تواصن
اللي تجيبه ساعته ماتوديه

انا عرفت الامس واليوم لكن
غدا جهلته ماعرف وش خوافيه

وانا عجبت براسم(ن) يتقن الفن
عن مايوده ترجمت رسمة ايديه

يرسم خيالاته ويخسر ويتقن
ويمكن عليهن عشمت كل امانيه

احيان ساعة حلم تشبع وتسمن
لو كان ماتخذ وتقطع وتعطيه

حلما عطاء لو سود الايام معطن
لو هو سرابا مايجيله ويرويه

سحب الروابع لظلم الليل يسرن
مرن على واد الظماء ممطرن فيه

واللي من جروح الليالي محصن
لابد بكره دورة الوقت تبكيه

ومن يشجب الثرمان يضحك بلا سن
بيت(ن)لبن هدلان شالح مسويه

مساعدالمزعل

فارس عنزة 10-02-2019 07:41 PM

رد: من يشجب الثرمان يضحك بلا سن/بيت(ن)لبن هدلان شالح مسويه
 
واللي من جروح الليالي محصن
،،،،،،،،،،،،،،،،،،،، لابد بكره دورة الوقت تبكيه


الشاعر الكبير/ مساعد المزعل
صح لسانك أبيات معبّرة وجزلة
قصيدة مليئة بالعذوبة والجمال ..

بارك الله فيك ،،

فارس عنزة


الساعة الآن 10:06 AM.

Powered by vBulletin® Version 3.8.8
Copyright ©2000 - 2020, vBulletin Solutions, Inc.