علاج القولون والامراض النفسيه
[poem=font="simplified arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
لقيت للقولون طبٍ على الكيف = بعدك عن اللي مايودك علاجه وابعدت عن مروجين السواليف = ناسن تجي للهرج من غير حاجه وقت السعه ربعٍ دواهي عواريف = ياطيبهم طيباه وقت اللجاجه وان ولعت قداحة النار بالليف = يسوقهم لك سوق صوص الدجاجه ابعد وخلك في علو المشاريف = في ديرة فيها الحجل والزراجه ارضٍ قفر فيها الادامي مخاشيف = اما تشوف الظبي والا مداجه لارقب بها المطعون بين السراجيف = يزول شره ويتريح مزاجه والمغرب البل جتك من روضةالريف = قم نوخ الركبي وطش الحداجه وهات الدلال ام الخشوم المهاديف = بغداد مختومن على الجنب تاجه وسويت فنجالٍ ينومس مع الضيف = ان شفه الخرمان يرفع حجاجه ومعك مثل نايف ونواف ومنيف = من اسماهم اعرفهم وكلٍ وخراجه وعقب العشاء ياذعذع النود بالصيف = على الربابه كل هاجوس ناجه العب على المسحوب وشوي توصيف = اعز من نغمات دسك الخواجه استانس وتلقا لهمك تصاريف = وللحزن عند اللي خلقك انفراجه تراك من دنياك ترحل تقل ضيف = والادمي ايواجه اللي يواجه[/poem] |
رد: علاج القولون والامراض النفسيه
صح لسانك أخوي معيض ولاهنت على هذه القصيدة الجزلة تقبل تحياتي وتقديري |
رد: علاج القولون والامراض النفسيه
[align=center]صح لسانك على هالوصفه من برفسور ممارس ومتمكن
وننتظر المزيد من الوصفات النفسيه تقبل مروري وتقديري[/align] |
رد: علاج القولون والامراض النفسيه
[align=center]هههههههههه
انا شفت العنوان وجيت اطامر ابى انقلها لمنتدي قسم الصحة صح لسانك اخي معيض والله يعطيك العافية تحياتي لك[/align] |
رد: علاج القولون والامراض النفسيه
[align=center]صح السانك ابو وليد لاتنسى الكرهب
[poem=font="simplified arabic,5,sienna,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"] يامعيض وقتك فيه عدة صواديف = صعباً على مداويه يلقا اعلاجه الوقت يقطع ياولد قطعت السيف = يالله خراجاً منه يالله خراجه كانك غزيت اركاب غيرك مناكيف = ياما ارتحل من ماقضى فيه حاجه الوقت يقفي والليالي محاريف = ياسرع لف الوقت ساعت رواجه دامك فطين ابعدعن حمودوخليف= من سكر البيبان يعرف خراجه تدري يعدل الراس فنجال للكيف = فنجال من دله يعدل مزاجه في ديرتاً ماقيل فيها ولاشيف = غير القطاءيجول حزت هجاجه يازين لاطرفت بعض المطاريف = وسجيت مع روضاً يزيد ابتهاجه مبسوط لو تنقصك بعض المصاريف = بالبر مالك بالملايين حاجه يسوى مصيف اللي عشق ديرت اجنيف = وش عاد يسوى انقيل مينا سفاجه الله يعيد الخير لديارنا بريف = والسيل ينزل في منازل عجاجه من الوسوق يلين سلام ياطريف = والضلع عشبه منعكف بنعواجه تلقاء بها شقح العشاير مراديف = على ظهرها ماتحط الحداجه[/poem][/align] |
رد: علاج القولون والامراض النفسيه
[align=center] صح لسانك اخوي معيض
والله يعطيك العافيه تحياتي وودي لك [/align] |
رد: علاج القولون والامراض النفسيه
الاخـــــــوان
ابووائل ابومشعل ابوخالد الاخــــــــوات بنت ابوها الريم شموخ مروركم عطرمتصفحي ولكم مني جزيل الشكر لاحرمني الله منكم ومن تواجدكم |
رد: علاج القولون والامراض النفسيه
والمغرب البل جتك من روضه الريف قم نوخ الركبي وطش الحداجه
وسويت فنجالان ينومس مع الضيف ان شفه الخرمان يرفع حجاجه صح السانك اخوى معيض على هذي القصيدة الرايعه |
رد: علاج القولون والامراض النفسيه
[align=center]
صح لسانك اخوي معيض والله يعطيك العافيه تقبل خالص شكري وتقديري [/align] |
رد: علاج القولون والامراض النفسيه
[align=center]صح لسانك أخوي معيض
ولاهنت على هذه القصيدة الجزلة[/align] |
الساعة الآن 08:16 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.