منتديات الويلان

منتديات الويلان (http://www.al-welan.com/vb/index.php)
-   منتدى قصــائد الأعضــاء (http://www.al-welan.com/vb/forumdisplay.php?f=64)
-   -   على بعض الكلام اللي طواه من السنين اسنين (http://www.al-welan.com/vb/showthread.php?t=30770)

مساعدمزعل اليمني 08-16-2018 09:58 AM

على بعض الكلام اللي طواه من السنين اسنين
 
يقولون العرب لو يزعل الغالي على الغالين
وقول ان الغلا له حق في هاذي وفي ذيه

ولو بعض الزعل ياصاحبي مجحف ولاهو زين
مثل رجوى العشم بعيون عبريه وطرقيه

ولا يحظ من يسلا على كيفه مع السالين
مزاج السالي المرتاح بالاجواء الخياليه

ولايقبل مع المقبل ولايقفي مع المقفين
ولا رد الخبر لرعية(ن) ماهي اب مرعيه

لوالمجنون ينعالج مشا صاحي مع الصاحين
لو ان اهل العقول تعدهم واحد من الميه

لو ان البارق اللي لاح براقه يشد العين
ماشفت ان العطاشا يم صوبه مالها نيه

على بعض الكلام اللي طواه من السنين اسنين
ولاني حاظرا دعواه والدعوى ضبابيه

تراك بعامك الثامن عشر متعدي الالفين
وانا وانته ضيوف ولاتحسب انا محليه

لو ان مسيلمه صادق وجدنا له كتاب ودين
ماكان اكتابه منزل مع الكتب السماويه

وانا ماقول لاتجلس ولاتمشي مع الماشين
ولاكن سكة اهل الخير محموده وممشيه

مساعدالمزعل

فارس عنزة 08-17-2018 09:24 PM

رد: على بعض الكلام اللي طواه من السنين اسنين
 
يقولون العرب لو يزعل الغالي على الغالين
،،،،،،،،،،،،،،،،،،،،،، وقول ان الغلا له حق في هاذي وفي ذيه

أبيات جميلة ...
صح لسانك
كلمات غاية في الروعة
أشكرك على ذوقك الرفيع

دمتَ بوِد

مساعدمزعل اليمني 08-18-2018 10:58 AM

رد: على بعض الكلام اللي طواه من السنين اسنين
 
صح الله بدنك لاهنت


الساعة الآن 02:24 PM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.