رد: (( ديوان الشاعر حسين الهوران ))
 

[poem=font="Simplified Arabic,7,white,bold,normal" bkcolor="transparent" bkimage="http://3rb9.com/uploads/ac40de5766.jpg" border="double,4,red" type=0 line=0 align=center use=ex num="0,black"]

نجم الثريا =[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]




هات القلم ياصاحبي وبوك ودواه = وإكتب عن لساني بديع المعاني
أكتب وسجل واقعية معاناه = من هجس شاعر في حياته يعاني
من يومه الأول ومن لحظة بكاه = تلعبه أمواجه برجوى المواني
طفولته متعثره بأول خطاه = وشايل على كتوفه هموم الزماني
لكن شموخه قبل ماخلق سماه = أربع حروف أسمه,سيوف وسناني
لاتنشده عن عمره إشلون أفناه =أسئل هجوسه عن عنين السواني
مثلي لوإن الوقت ياصاحبي أشقاه = طال أوقصر,ماهز,شعرة كياني
ذيب",ولايرضى سوى صيد يمناه = وتلقى لحايس من وراه الحصاني
قلبه كبير ومخلص" بالمخاواه = ومصيبته وافي ولاهو أناني
به طيبه بقلب" تضمه حناياه = وكم واحد"في طيب القلب خاني
قليل أصايل وافيين بمزاياه = وقليل منهم يستحق الحناني
بعد أربعين العمر,ووضوح رؤياه = لابد أراجع مامضى في ثواني
نعم يبو{طارق} به أصحاب وأشباه = ولازم أحسب حساب وأعز,شاني
لوقت الرخا,صاحب تقلب نواياه = وللشده أصحاب عريبة مجاني
وكلا حسب أصله وساسه ومجناه = مثل الجبال, وطامنات الدواني
وراسي, خضوعه في سجوده لمولاه = في طاعتي لرب وهبني وحباني
وهبني حروف جزايل معذاه = قوافي" تبحل عقول الذهاني
صفوة صوافي صافيات منقاه = من سلسبيل العذب ربي سقاني
يدري الهدا,من قدر,مهديه وأهداه = وأنا أحمده أنعم علي وهداني
ذود يسد الكون لاصحت أنخاه = لاضاق صدري جاد,وارزم وجاني
رهن ليميني بأي طاروق" أبغاه = وأنا على مهر", يلوك العناني
لاقلت آه, يلج مع صوتي الآه = ويزغرد لفرحي ويرسم أغاني
لالاتلوم حسين لأغلاه وأغلاه = شاعر طبيعي يحب دوم بتفاني
(نجم الثريا)إن قال شعره وألقاه =ماياقف بوجهه فلان الفلاني
قصيدنا,بالمسك بادي, وختمناه = بذكر الإله,ونطلب أزكى الجناني
ياربنا, تغفرلعبدك خطاياه = وتاهب لي الجنه ولطفك ضماني












[/poem]

رد: (( ديوان الشاعر حسين الهوران ))
 

[poem=font="Simplified Arabic,7,white,bold,normal" bkcolor="transparent" bkimage="http://3rb9.com/uploads/ac40de5766.jpg" border="double,4,red" type=0 line=0 align=center use=ex num="0,black"]

سكرة الموت =[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]


وداعك إنتي أشْبه بسكرة الموت = ووداع باقي الناس شيٍّ لحاله
وطاري الوداع بشرْع الأحْباب ممقوت = ماكلْ عاشق يسْتطيع إحتماله
الرّوح تنزع والفضايصير تابوت = والحزْن خيّم في عتامة ظلاله
ودمع المحاجر كنهاسيل مكتوت = والفكر يبد أرحلته وإنشغاله
نظرات وآهات المحبّين وسكوت = وآخر وصيات الموادع وصاله
تسْمع أنين القلب وبصوت مكْبوت = وهدير شرْيـانه صدى ردود جاله
تصير المشاعر بين شامت ومشْموت = وتحنْ أحاسيسه لحنّة رحاله
تكسّّر العبرات مبحوحة الصّوت = ويذْبل على شفاه الموادع سؤاله
لحظه بها كلْ المدى صار مبهوت = وتبقى آخر اللحظات دوم بخياله
وأنتي النفس والمُيْ والحبْ والقُوت = وأنتي الغلا الصّافي ونبعة زلاله
لو خيروني بين أوادعك والموت = أخْتار أموت ولاأتْرتكْ بأيْ حاله











[/poem]

رد: (( ديوان الشاعر حسين الهوران ))
 

[poem=font="Simplified Arabic,7,white,bold,normal" bkcolor="transparent" bkimage="http://3rb9.com/uploads/ac40de5766.jpg" border="double,4,red" type=0 line=0 align=center use=ex num="0,black"]

حلم امنياته =[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]




باهيه باللي طفولته بأمْنياته = وكل المرايا والزّوايا تحيّيه
غرْوٍ تغذّى سكّره من نباته = وزهّى عبيرالورْد منْه وحواليه
من الغنج ذابت بقدّه عباته = كنّه كساهـا من دلالهْ وتكْسيه
يمْكن يكون الحسْن أصْغر صفاته = ويمكن يكون أصْل العسل من أشافيه
البرْد بإحْساسه دفى من دفاته = يدْفى لباسه ماهقى اللّبْس يدْفيه
بين النّحر والخصْر ضحْك وشماته = يلمّهـنْ ليل الجدايل ويضْفيه
نجْله إلْياسلهم بهن في غضاته = يتلْ قلْبٍ ماحمنّه محانيه
إلْياأبْـتسم دجْله تداعب فُراته = ويعضْ جمْرات الشّفاه بلواليه
قليل حكْي ولاأنْـثنى بإلـْتـفاته = كنّه ظبيٍّ جافلٍ من مفاليه
ناعم وحتّى النّوم ذاب بمباته = أصْلاً وحتّى الحلْم نفْسه حلم فيه
لو كحّل الشّين القبيح بحلاته =يصْبح كما بـدْرٍ بـبادي لـياليه
كله تميّز لامشى مع خواته = من الدّلع كن الحفا في مواطيه
لوشافها عودٍ توكّى عصاته = طوّح عصاته ثمْ روّح يـباريه
من مايشوفه أكْثرالعمْر فاته = ومن شاف زاهي الطّول ضوّت لياليه
لومرّت بشيخٍ تأنّى بصلاته = ينْسى بحلاها أيْ فرْضٍ يصليّه
طيفٍ يمرْ بفتْنته ياحلاته = يمْشى الهـوينا قاصرٍ في خطاويه
هو روح شعْْري وهونداه وحياته =حبيب عمْري وملْهمي من أساميه
هو دافعي وأسْباب صرْخة سُكاته = وهو الوحيد اللي قبل موتي أوصيه
إلـيا دفنو, شاعرْك لحْظة مماته = وصيّتك مرّي على القبْر ناديه
كان الجـسد باقي به القلْب ذاته = يفزْلـك من قبْره إلْيا ندهْـتيه
وكانه بدى بالصمت وارهى سكاته = اكيد قلبي فارق الجسم ياهيه











[/poem]

رد: (( ديوان الشاعر حسين الهوران ))
 

[poem=font="Simplified Arabic,7,white,bold,normal" bkcolor="transparent" bkimage="http://3rb9.com/uploads/ac40de5766.jpg" border="double,4,red" type=0 line=0 align=center use=ex num="0,black"]

سكر زياده =[/poem]

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]



أباأتْـهـيّـل رحـيق الـورْد دام إنّـه مـن وجـنّـك = وأبا أتْريّق من شفافكْ عـسل صافي مصفّينه
أبـيها قهْوةٍ حلْوه من عيونك ومن بُنّك = تـسوّيها على ذوقك لمعْشوقٍ تحبّينه
أبيها سكر زياده حلاوتْها تجي منّك = وخلّي عطْرها أنْفـاسك تراها بنكْهتك زينه
أبي ماعونها يرْقص إلْيا منّه ضحكْ سنّك = وأبي فنْجالها يغنّي ألا ياليل ياعينه
أبا أشْربْها شذى عطْرك من إحْـساسك ومن فنّك = وأبا أنْـسى العالم بجمْعه ولاأذْكر عناوينه
أريدك تذْكرين إنّ,السّوالف عنّي وعنّك = نعيش اللحظْه بحضْن الهناوتضمّنا إيدينه
أحبّك إيه ياعمْري وأشْعاري يحبّنك = وأدْري بك بعد مثْلي تحبّيني وتحبّينه













[/poem]

رد: (( ديوان الشاعر حسين الهوران ))
 

[poem=font="Simplified Arabic,7,white,bold,normal" bkcolor="transparent" bkimage="http://3rb9.com/uploads/ac40de5766.jpg" border="double,4,red" type=0 line=0 align=center use=ex num="0,black"]

ودعيني =[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]


ودّعيني خاف مرْجع ودّعيني = خلّي آخر صوره بعيني دموع
خايف انّك يالحبيبه تفْقديني = وخايف انه ينقطع درب الرّجوع
اشبكي طاهر يدينك في يديني = من دفاها تزيدني عشق وولوع
والله واثق انك تعشقيني =وان حبّك في شراييني يسوع
شوفي اسمك منكتب داخل جبيني = وفي خفوقي لك حنايايه شموع
كل ماسافرت سافربي حنيني = ولك تتوق الروح واشواقي تجوع
قبل مانطق من شفاهي تفهميني = انتي حب نوع ماهواي نوع
ياهواي ويارضاي وياسنيني = يازهورالعشق بك قلبي قنوع
صدقيني بربي احلف صدقيني = مااحب سواك لو جتني جموع
انتي نصفي واكتمل بك نصف ديني = وصرتي كلي وكلي لحبك طيوع
انتي شمسي لاحضرتي تنوّريني = وانتي قمراعتمتي ضيّك سطوع
يالاصيله افتديك بمُي عيني = ولك اضحّى بخافقٍ بين الضلوع
دام راسي شايلته المنكبيني = مايضيمك ضيم ياحلوالطبوع
ياغلايه ياهوايه ياسنيني =في وداعك دم شرياني يفوع
لأجل ارجع يالحبيبه ودعيني = وصورتك بالعين ووداعك دموع







[/poem]

رد: (( ديوان الشاعر حسين الهوران ))
 

[poem=font="Simplified Arabic,7,white,bold,normal" bkcolor="transparent" bkimage="http://3rb9.com/uploads/ac40de5766.jpg" border="double,4,red" type=0 line=0 align=center use=ex num="0,black"]

فدوه لعينك =[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]



تقول لي ياحسين ماطحْت من عينك = وأقول ليتك ياغلا,,ماسألتيني
أحلّفك بالله ثم بخْتك ودينك =إن طحْتي, من عيني أناإشْفايدة عيني
اناأعشقك وأذوب في حسْنك وزينك =وأموت بك وأدْري بعد ميّته فيني
انْفاسي اصلاً ,من عذاك ورياحينك =وغلاك في دمي وداخل شراييني
أعْظم قصـصْ الحب مابيني وبينك = وانتي حياتي كلها وبهْجة سنينـي
أهين أنا اللي بكلْمه يحاول يهينك = طبْعي كذا, واظنك انتي عرفْتيني
اعطيك من عمري اضـيفه على سنينك =واعاهدك ماخونك,ولاتخونيني
إن مرْ,طيف الحلم انشّده وينك = وأسـجْ مع طيفك اذا الخْلق غافيني
احبك واحبْ حتّى محـبّينك = وانتي اللي وحْدك ياحياتي تهمّيـني
قلبي معـك خذْتـيه في راحـة يدينك =ولا كفاك القلْب كلّي أخذتيني
ياللي الحلا,مجْـبول في خاتمة طينك = لولاي مؤْمن قلْت منْتي من الطّيني
تبسّمي دخـيل بسْمة شـفاتينك = لوكنْت ميّت ضحكة شفاك تحييني
حبيتي كلي إنا فدْوه لعـينك = تطيح عيني ماتطيحـين من عـيني









[/poem]

رد: (( ديوان الشاعر حسين الهوران ))
 

[poem=font="Simplified Arabic,7,white,bold,normal" bkcolor="transparent" bkimage="http://3rb9.com/uploads/ac40de5766.jpg" border="double,4,red" type=0 line=0 align=center use=ex num="0,black"]

ايمان =[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="outset,6,crimson" type=2 line=0 align=center use=ex num="0,black"]



إيمان تسال ليه ما عندك عيال =يا عم علمني وجاوب سؤالي
طفله برئيه ما درت واقع الحال =طفله ولا تدري وش إلي بحالي
غرقن عيوني دمع وقف ولأسال = الله يا ليته على الخد0 سالي
صديت عنها شوي حتى هدا, البال قلت اسمعي يا بعد كل الغوالي
يا عمّتي سبعة عشر عام مازال = صورة طفل متعلّقة في خيالي
يا عمّتي عمّك على الهم رجال = يصبر وصبره فاق كل الرجالي
كل ما بغي يفرح لفا 0 الهم واغتال = واغتال أفراحه وهو ما يبالي
إمّا لفا وألا أرسل الهم مرسال = وتقضي لزومه قاسيات الليالي
حتى الصّبر يا عمّتي جرْ,موّال = من قوْ ,أيماني وكثر احتمالي
الله ياهالخلق يا لطْف الأطفال = فيهم براءة مادرو 00وش يقالي
وضميت بنت اخوي وأعطيتها ريال = راحت ولا تدري وش اللي جرالي
ودعيت منهو عالم بخافي الحال = يارب يمّك تكلتي واتكالي
تجعل وفاتي قبل من شهر شوال = بشهر رمضان بوسط عشر توالي
وتنزلني الجنه وهي خير منزال = وتعوّض المحروم يا خير والي








[/poem]

رد: (( ديوان الشاعر حسين الهوران ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
بعض الاوضاع =
[/poem][poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=1 align=center use=ex num="0,black"]
الجمْره الّلي بالسّما,تحْرق القاع= وشْلون أنا الّلي جمْرتي في يميني

لامن تقسّم ليلي اثْلاث وأرباع= يزيد همّي وتجْفي النّوم عيني

لاتسْألي يابنت عن بعض الأوضاع= ترى سؤالك نقّض الجرْح فيني

والله لوإن الكون حفْله ومرباع= ماشدّ لدياره ولاهو , يجيني

عندي الحزن والهم أطفال رضّاع= هم يصْرخون وبس انادي جنيني

الطّفل يبكي لاتألّم وإذا جاع= وإلا أنا وشْلون اظهر ونيني

تخْجلْني الدمعه على الخدْ,وارتاع= وأكفّها , وأقول لاتخْجليني

يابنت انا محروم مهموم ملْتاع= وعن الخفايا,لابعد تنشديني

أقوم بإيماني وأكافح على القاع= لو تحْترق من جمْر همّي يميني[/poem]

رد: (( ديوان الشاعر حسين الهوران ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
مجاراه للشاعر رواف الرسلاني=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]
قريت قافٍ متْقن الحبْك والسّبك= والمبدع بحبْك الفرايد يثيرك

شاعر مثل روّاف بالعذْب يطربْك= ويهيّض بمعناه خافي سريرك

محدٍ بلايمْني الْيا قلْت مااعذبْك= ومهار قافك ماتعاسف لغيرك

مبدع يبوفايز ومولاي واهبْك= والشّعر يروى من صفى جم بيرك

سلمت ياقاف وسلم فكر كاتبْك= من عيون حسّادك عسى الله يجيرك

الفقر ياروّاف كانه محاضبْك= الفقر طال الكل شوفة نظيرك

لاضاق صدرك وانحشك خلْق مذْهبْك= بوجْه الضّنك والفقر جرّد شطيرك

اهْجه بقافك واطْعنه حين يقْربْك= ومن ياقف بوجْهك الياانهدْ,طيرك

اليااعتزيت وثم ميّلت معْصبْك= سيفٍ تقدْ رقاب وانت بجفيرك

يافارس الابداع والكل هايبْك= ويفوح من معدنك طاهر عبيرك

الفقر طال الانبيا,قبل صاحبْك= والفقر ماعذرب (محمد) بشيرك

في محكم الآيات ماهو بغايبْك= ماضر,خير الخلق حتى يضيرك

في سوق الاسهم قل لنا ويش جايبْك= رميت نفْسك في متاهت مصيرك

ابحرت قبل اتْحسْب غرقت مراكبْك= وقليلك بموجه هفا,مع كثيرك

جيناه مثلك ياابن عمي على الدّبْك= اثْره يخمّك قبل لحْظة منيرك

واليا انْوكل زادك فكثّر مراحبْك= على الاقل انّك تريّح ضميرك

تبقى يبو فايز بعالي كواكبْك= ترقى سما,وبالقاف تجبر كسيرك

خيّبْتنا,ياسوق ربّي يخيّبْك= مافيك خير ومنعوج خط سيرك

حرمتْنا,من طعْم هريسة النّبْك= وصرناوضحايا,وسط سرّة كبيرك

هامور هو مالك ضميرٍ يأنّبْك= ولاحسبْت بيوم ترمى بحفيرك

فلّسْتنا,ياعل ربّي يعذّبْك= ويجعلك في ناره ويوقد سعيرك

روّاف قافك طاب من طيب منسبْك= وهيّضتني ببدعك وثاقب بصيرك

ياحي عودٍ ياابن الاجواد انجبْك= وعلّه من الحسّاد ربّك يجيرك

تقزم حروفي ماتجاري مواكبْك= لكن فزعت وجيت كلي نصيرك

عملاق ياروّاف تسبك ذهب سبْك= وشعرك مهو موجود في شخص غيرك







[/poem]

رد: (( ديوان الشاعر حسين الهوران ))
 

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=3 line=0 align=center use=sp num="0,black"]
طول غيابك=[/poem]

[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=2 line=0 align=center use=ex num="0,black"]

طوّل غيابك واهتدت بك جروحي= واشتاق قلبي ياحبيبي لعذابك

تدري وش اللي حط روحك بروحي= لن الدموع تغسْل لحظة غيابك

ان كان سرّي ترجمه صوت بوحي= ترى حنين الشوق هزّك وجابك

قلبي معك بالذّات دايم سموحي= طاح احْطبه لحْظة تبسّم بنابك

لو نحت ناح الورق من كثر نوحي= لكن نثرت اشواق قافٍ هذا بك

قلبي حمامة عشق مبسمك دوحي= وقريت اسمي وسط صفحة كتابك

دلال الغلا ,بين الحنايا,تفوحي= ونايد عبقها هيل حضرة جنابك

مكتوب حبك في متاهات لوحي= ومكتوب لعيوني شقاها ببابك

كل مابغيت انساك نادت جروحي= وكل ابتعدت ازداد شوق لعذابك





[/poem]