المشاركة الأصلية كتبت بواسطة رياح الوفاء (المشاركة 205455)

[poem=font="simplified arabic,5,white,normal,normal" bkcolor="transparent" bkimage="backgrounds/21.gif" border="double,4,black" type=0 line=0 align=center use=ex num="0,black"]
اخفي جروحي كلها رغم الآلام =وضحك وانا يانوف نفسي حزينه

ما همني يا خيتي موت الأحلام=مير البلا نزف الجروح الدفينه

لا تعذلين القلب والقلب منظام=عاش الهموم اللي تغرق سفينه

مرت علي اعوا م واعوام واعوام=وانا لهمي والمشاكل رهينه

كني انا لوحة وقدام رسام = حاول يعدلها وتعبت يدينه

ويوم ن تعب شخبط عليها بالأقلام=وأخفى ملامحها بقبضة يمينه

هذي حياتي كلها حزن واوهام=وهذا الذي يانوف ما تعرفينه

حطمت في حزن البشر كل الأرقام=واللي مثل حالي عسى الله يعينه

وما يشكي المسلم على الناس مادام= اللي مقدر له يشوفه بعينه

يارب زين ما بقالي من ايام=يا واحدن يسمع ندى سائلينه[/poem]